თუ თქვენს სახლს, იქნება ეს კერძო სახლი თუ კორპუსის ბინა, ორი სართული აქვს, აუცილებლად დაგჭირდებათ შიდა კიბე. ეს ფაქტია, საკითხავი მხოლოდ ის არის, როგორი შეიძლება იყოს ეს კიბე. რა თქმა უნდა, კიბე უნდა იყოს პრაქტიკული, ლამაზი და ფუნქციური, უნდა ერგებოდეს საერთო სტილს. არის კიდევ ერთი უმნიშვნელოვანესი ფაქტორი, რომლის გათვალისწინებაც არავითარ შემთხვევაში უნდა დაგვავიწყდეს - კიბე უნდა იყოს მაქსიმალურად უსაფართხო. როგორც ხედავთ, საკმაოდ ბევრი ფაქტორია გასათვალისწინებელი, რაც მარტივი საქმე ნამდვილად არ გახლავთ.


დღესდღეობით ყველაზე გავრცელებული ხის შიდა კიბეა, ის პირველობას დიდი ხანია არ თმობს და დამსახურებულადაც ინარჩუნებს ამ ადგილს. გარდა ეკოლოგიურობისა, ამ მასალას სხვა დადებითი მხარეებიც აქვს, რომელიც მას გამორჩეულს ხდის.

ხის კიბეს აქვს უნარი გაუძლოს სერიოზულ დატვირთვას, ამავე დროს დროთა განმავლობაში არ დეფორმირდება და არ კარგავს პირვანდელ სახეს, მაქსიმუმ, რაც რამდენიმე წლის შემდეგ შეგიძლიათ განაახლოთ, მისი ლაქის საფარია.

კიბე არა მხოლოდ ზედა სართულზე მოსახვედრი დამხმარე საშუალებაა, ის საერთო ინტერიერის უმნიშვნელოვანესი ელემენტია, რომელიც აუცილებლად იმსახურებს დიდ ყურადღებას.

კიბის შერჩევის დროს კონკრეტული პროექტის შერჩევამდე პირველ რიგში აუცილებლად უნდა გაითვალისწინოთ ფართობი, მოერგება თუ არა ესა თუ ის კიბე ამა თუ იმ ფართობს ზომით. ეს ერთ-ერთი უმნიშვნელოვანესი ფაქტორია.

აგარაკის სახლში ხის კიბე ძალიან ჰარმონიულად შეერწყმება ბუხარსა და ხის ჭერს.

არსებობს ასევე მეტალის კარკასის კიბე. ესეც საკმაოდ გავრცელებული და პოპულარული კონსტრუქციაა. ამ მასალის გამძლეობა და ეფექტურობა ბევრ ახსნას არ საჭიროეს, აი, რა შეიძლება გამოიყენოთ მის მოსაპირკეთებლად, ალბათ ბევრს დააინტერესებს.

მარტო მეტალის კიბეც არ არის ცუდი ვარიანტი, თუმცა შეიძლება არც ისე კომფორტული და ცოტა ცივი იყოს, მის კიდევ უფრო გასალამაზებლად კი ძალიან ეფექტურად გამოიყენება, ხე, ხელოვნური მარმარილო და შუშაც კი.

კიბის კონსტრუქცია შესაძლებელია იყოს ძირითადად ორი ტიპის, ჩვეულებრივი საფეხურებით და სპირალური, ან დახვეული.
ძალიან ეფექტურად გამოიყურება გამჭვირვალე სახელურებიანი კიბე. ამ შემთხვევაში მინა შესაძლებელია შეუთავსოთ ხესაც, მეტალსაც.






არსებობს ასევე მთლიანად შუშის კიბე, რომელსაც ყველა საფეხურზე თავისი განათება აქვს. ასეთი კიბე მოგცემთ საშუალებას თქვენი ინტერიერი ორიგინალური და განუმეორებელი გახადოთ.