ჯუჯა სახლებისადმი მისწრაფება ევროპასაც გადაედო, მიუხედავად იმისა, რომ iიქ, ამერიკასთან შედარებით, ასეთ სახლებთან დაკავშირებით ბევრად მკაცრი წესები მოქმედებს, მკაცრად არის გათვლილი მინიატურული, მობილური სახლების გაბარიტები. თუმცა დიზაინერები მაინც ახერხებენ მსგავსი სახლების ისე მოწყობას, რომ 1-2 ადამიანმა სრულ კომფორტში შეძლოს ცხოვრება.

თანამედროვე ცხოვრების რეალურად აღქმის შემდეგ სულ უფრო მეტ ადამიანს უჩნდება სურვილი ჰქონდეს მსგავსი მიანიატურული სახლი, რადგან სრულფასოვანი სახლის ყიდვა, მისი ფასის გამო, თითქმის წარმოუდგენელი ხდება.

ადრე სახლის გამო იპოთეკის აღება ევროპაში თითქმის ჩვეულებრივი მოვლენა იყო, ახლა კი ადამიანებს აღარ სურთ საკუთარი ნებით გახდნენ ძარცვის ობიექტები და ურჩევნიათ დაბალბიუჯეტიანი, თუმცა საკუთარი სახლები ჰქონდეთ, ვიდრე ბანკის ვალები და ბევრი კვადრატული მეტრი.

ასე მოიქცა საფრანგეთის მკვიდრი ერთ-ერთი ქალბატონი. მან გადაწყვიტა, ჰქონოდა საკუთარი სახლი ბორბლებზე. ამ ოცნების განსახორციელებლად დახმარებისთვის ერთ-ერთ დიზაინერულ კომპანიას მიმართა და შედეგიც საოცარი მიიღო. დაათვალიერეთ ფოტოები და თავად განსაჯეთ, ღირს თუ არა ასეთ სახლში ცხოვრება.

როგორ უკვე აღვნიშნეთ, ევროპაში, განსაკუთრებით კი საფრანგეთში მსგავსი ტიპის სახელბზე საკმაოდ მკაცრი წესები მოქმედებს, საჭიროა ნებართვა კომუნიკაციების, კანალიზაციის და ელექტროენერგისს გაყვანაზე, გაბარიტებზე და ა.შ.


მკაცრად არის გათვლილი გაბარიტებიც, ამიტომ ეს სახლი საერთო ჯამში 6-მეტრიანია.

სახლი აშენებულია ნატურალური ხის მასალისგან, ეკოლოგიურად სუფთაა.  

იმისათვის, რომ სახლი არ გადატვირთულიყო მრავალრიცხოვანი კარადებით, გადაწყვიტეს ღია სტელაჟების გაკეთება.

მიუხედავად შეზღუდული სივრცისა, სახლში არის სრულფასოვანი აბაზანა და სამზარეულო.