როგორი ჭერი გავაკეთოთ აბაზანაში, რომ მერე არ ვინანოთ

აბაზანისთვის ჭერის შერჩევის დროს პირველ რიგში უნდა გავითვალისწინოთ, რომ ამ ოთახს აქვს განსხვავებული, თავისებური მიკროკლიმატი. ეს არის სივრცე, სადაც მუდმივად არის წყლის შხეფები და ორთქლი, შხეფები კი არის ყველგან - კედლებზე, იატაკზე და ჭერზეც კი. კედლებისა და იატაკის გამშრალება თუ ადვილად ხერხდება, ჭერთან მიმართებაში საქმე მარტივად არ არის. მოდით, სპეციალისტების რჩევებს გადავხედოთ და ჩამოვყალიბეთ, როგორი მასალის გამოყენებაა ოპტიმალური აბაზანის ჭერისთვის, რათა შედეგი საბოლოოდ დამაკმაყოფილებელი იყოს და გარკვეული პერიოდის შემდეგ საქმე სანანებლად არ გვქონდეს.

თუ აბაზანის კლიმატს დედამიწის კლიმატს შევადარებთ, ის
ყველაზე ახლოს ტროპიკულ ჰავასთან გახლავთ. პერიოდულად ადგილი აქვს ტროპიკულ წვიმებს, ჰაერი კი მუდმივად ტენიანია. აღნიშნულ პირობებში არცთუ ბევრი ჭერის მასალა გრძნობს თავს კომფორტულად. ათწლეულების წინ აპრობირებული ნესტგამძლე საღებავი ამ პრობლემას თითქოს ეფექტურად უმკლავდებოდა, თუმცა დროთა განმავლობბაში ეფექტურობას კარგავს. ხე, თუ ის ლაქით არ არის დაფარული, აუცილებლად კარგავს ფორმას. მთავარი მოთხოვნები, რომელიც აბაზანის მასალამ უნდა დააკმაყოფილოს, ის არის, რომ აბაზანის ჭერის მასალამ დროთა განმავლობაში არ უნდა დაკარგოს ფორმა, მდგრადობა და ფერი.
წყალთან კონტაქტს ხანგრძლივად და ეფეტურად მხოლოდ ორი სახის მასალა უძლებს - პლასტიკი და მეტალი.

თანამედროვე, ჰაი-ტეკის აბაზანაში შესაძლებელია მეტალის ფირფიტების ჭერის გაკეთება. სადა სკანდინავიურ სტილს კი დაბურული, ვინილის შეკიდული ჭერი დაამშვენებს.
კიდევ ერთი გასათვალისწინებელი კრიტერიუმი მასალის შერჩევის დროს მისი ფასია. აღსანიშნავია, რომ გასაჭიმი თუ შეკიდული ჭერის ფასები საკმაოდ ბიუჯეტურია.

პლასტიკის პანელები

აბაზანის ჭერის მოპირკეთება ინტერიერის წყალგამძლე საღებავით აქტუალობას თანდათან კარგავს.ეს ძალიან მარტივი და საკმაოდ ხელმისწვდომი ვარიანტია, თუმცა საღებავი დროთა განმავლობაში ხუნდება და პერიოდულად განახლებას საჭიროებს. ამიტომაც არ არის გასაკვირი, რომ საღებავმა ადგილი შეკიდულ ჭერს დაუთმო.
შეკიდული ჭერის ყველაზე გამძლე და საიმედო ვარიანტი კი პლასტიკატია. ამ მასალის მთავრი უპირატესობა გარდა მდგრადობისა, მისი ფერისა და ტექსტურის დიდი არჩევანია. ერთფეროვანი ან თუნდაც ნახატებიანი პანელები საკმაოდ ბიუჯეტურია.

ნახატი შეიძლება სტილისტურად წააგავდეს მარმარილოს, ხეს და ა.შ. შედარებით ძვირი სახის მასალას აქვს 3დ, ასევე სარკის ეფექტი და ა.შ.
ამ მასალის უპირატეობა ისაა, რომ აბსოლუტურად მდგრადია წყლის მიმართ და შეიძლება თავისუფლად ჩამოირეცხოს.
ეს კონსტრუქცია მონტაჟდება ჭერიდან 10-15 სმ-ს დაშორებით, რაც იძლევა საშუალებას ელექტროსადენები კომფორტულად განთავსდეს მის ქვეშ.
ასეთ ჭერში თავისუფლად კეთდება ჩამონტაჟებული სანათები.
მინუსად ითვლება ის, რომ კარკასი პროფესიონალურად უნდა შეიკრას, რათა მონტაჟი იდეალურად განხორციელდეს. ანუ ეს პროცესი შედარებით რთულია, ამას პროფესიონალი და გამოცდილი ხელოსანი სჭირდება.

მეტალის პანელები

ეს მასალაც პანელებისგან შედეგა, თუმცა სტილის მიხედვით განსხვავებულია. მეტალის დახეწილი, ვიწრო ფირფიტები ბევრად ლამაზად და მდიდრულად გამოიყურება. ეს მასალა ძალიან უხდება თანამდროვე სტილის, განსაკუთრებით მოზაიკით გაფორმებულ აბაზანას.
პრონციპი აქვა სმსგავსაი, როგორც პლასტიკის პანელებთან, ის ჭერიდან მოშორებით მონტაჟდება და სადენები კომფორტულად განთავსდება.
ვიზუალურად მსგავსი პანელები ძალიან მრავალფეროვანია და მისი შერჩევა გემოვნებაზეა დამოკიდებული. ტექსტურის მხრივ კი არჩევანი არც ისე დიდია, რადგან რელიეფის მეტალზე დატანა ცოტა რთულია და ასეთი რელიეფური მოდელები შედარებით ძვირი ჯდება.
ალუმინის პანელების მთავარი უპირატესობა ის გახლავთ, რომ დიდი ხნის განმავლობაში ინარჩუნებს პირვანდელ სახეს.
ეს მასალა არის ემალირებული და სიპრიალეს არ კარგავს.
მისი მონტაჟი ძალიან ადვილია და საკუთარი ხელითაც შეიძლება გააკეთოთ.
ერთადერთ მინუსად შეიძლება ჩაითვალოს შედარებით მაღალი ფასი, თუმცა ხარისხი ამად ნამდვილად ღირს.

გასაჭიმი ჭერი
ამ ჭერის მთავარი მახასიათებელი გახლავთ ის, რომ კეთდება ერთიანი ჭერი, ყოველგვარი ნაკერების და ნაწიბურების გარეშე. მსგავსი ეფექტის მიღწევა სხვა მასალით პრაქტიკულად შეუძლებელია.
ვინილის ჭერს აქვს ორი ძალიან ეფექტური მხარე - ერთი, რომ ის ძალიან სწრაფად და ადვილად კეთდება, საიმედოდ იჭიმება კედელზე მიმაგრებულ კარკასზე და მეორე, არსებობს ფერისა და ტექსტურის ძალიან ფართო არჩევანი.
თანამედროვე გასაჭიმი ჭერი ორი სახისაა - ვინილს და ნაჭრის.
ვინილის ჭერი თითქმის იდეალურ ზედაპირს იძლევა და ვიზუალურად ძვირად ღირებულ ინტერიერის საღებავს წააგავს.
ნაჭრის ჭერი კი დიზაინერულ ფასეულობას წარმოადგენს.
გასაჭიმი ჭერი შეიძლება იყოს დაბურული ან პრიალა ზედაპირით. თანამედროვე ტექნოლოგია იძლევა იმის საშულებას, რომ აღნიშნულ ზედაპირზე დაიტანოთ თქვენთვის სასურველი ნახატი ან ფოტოც კი.
მიუხედავად იმისა, რომ გასაჭიმი ჭერი ძალიან ადვილი დასამონტაჟებელია, გირჩევთ პროფესიონალს მიმართოთ.
ამ მასალის პლუსი გახლავთ ის, რომ თავისუფლად დამალავთ სადენებს და ასევე მარტივად კეთდება ჩამონტაჟებული ნათურები.
გემსახურებათ ხანგრძლივად, ისე, როგორც ალუმინი ან პლასტიკი. თუ ზედაპირი მტვრით დაიფარა სპეციალური საწმენდი საშუალებით მარტივად იწმინდება.
მინუსად შეიძლება მივიჩნიოთ ის მომენტი, რომ ნათურების რაოდენობა წინასწარ უნდა გაითავალოს, დამატება ვეღარ მოხერხდება.
ვინილის ჭერი შედარებით ძვირი ჯდება, ვიდრე პლატიკის, თუმცა იაფი, ვიდრე ალუმინის, მაგრამ გარწმუნებთ, ხარისხი, მდგრადობა და მრავალფეროვანი ვიზუალი ამად ნამდვილად ღირს.

კომენტარის დამატება

მსგავსი სიახლეები