ეს მართლაც ჯადოსნობაა. მან ძველი სახლი შეიძინა მოსაწყენი, ძველებური ინტერიერით და სულ რაღაც ერთ წელიწადში, მინიმალური დანახარჯებით აქცია ისეთ სახლად, როგორზეც სულ ოცნებობდა.


ვერც კი წარმოიდგენთ, როგორ გამოიყურებოდა ეს სახლი ტრანსფორმაციამდე - ძველი ხის ყავისფერი, მოჭრიალე იატაკი, ასევე ყავისფერი ხის კარები, ხორცისფერი კედლები, სამზარეულოში ძველი კაფელი, მარმარილოს ეფექტით. შესაძლოა 80-90-იან წლებში ეს სახლი ლამაზად და მდიდრულად გამოიყურებოდა, თუმცა...
აი, ასეთი იყო სახლი, როცა შეიძინა:



გრანდიოზული ცვლილებებს, კედლების გადატან-გადმოტანას, ქალი არ აპირებდა, ის სახლში თან ცხოვრობდა და თან უნდა გაერემონტებინა. მას მხოლოდ მარტივი ცვლილებები უნდა განეხორციელებინა. საბოლოოდ სწორედ ამ პატარ-პატარა და მარტივი ცვლილებებით მიიღო ის საოცნებო სახლი, რაც მიიღო.

ეს ტრანსფორმაცია სახლის ახალი დიასახლისისთვის ერთგვარი თერაპია აღმოჩნდა.

კიმი, სახლის მეპატრონე ამბობს, რომ მოსწონს სხვადასხვა ფერისა და ტექსტურის ერთმანეთთან შერწყმის დრამატული ეფექტი. ხის პარკეტი, ნეონის განათება, სიმწვანე ინტერიერში, ბუმბულების სინაზე და მეტალის სიპრიალე ჰარმონიულად ერწყმის ერთმანეთს. შედეგად ჯაზის ეპოქის ინტერიერი გამოვიდა.

მოსაწყენი სამზარეულო კი ცისარტყელას ფერებით ანათებს და ახარებს დიასახლისის გულს.


მთავარი ამ ყველაფერში არის ის, რომ მიუხედავად სიკაშკაშისა, ყველაფერი დიასახლისს კაპიკები დაუჯდა. აქსესუარები ძირითადად მეორადების მაღაზიებში შეიძინა. მონდომება და სიყვარული არის შედეგი იმის, რაც ქალბატონმა მიიღო საჩუქრად.