ამ სტუდენტმა გოგონამ მშობლების სახლის ეზოში პაწაწინა კონსტრუქციის გადაკეთება გადაწყვიტა და პაწაწინა სახლი ააშენა. საბედნიეროდ, მამული საკმაოდ დიდი აღმოჩნდა და მშობლებმა მას უპრობლემოდ გამოუყვეს კარგი მიწის ნაკვეთი.


სხვადასხვა ვარიანტზე მუშაობის შემდეგ, ვირლემ გადაწყვიტა ეყიდა პატარა ფარდული, რომელიც ტრანსპორტირების საშუალებას იძლეოდა. ფარდული იმდენად იაფი ღირდა, რომ საკუთარი დანაზოგით იყიდა და საქმესაც შეუდგა. მინიატურული ფარდულის ფართობი 7 კვადრატული მეტრია. საჭირო იყო სივრცის კომპეტენტური ოპტიმიზაცია და სპეციალური ავეჯის დამზადება სამზარეულოსთვის, მაგიდისა და საწოლისთვის.


სოციალურ ქსელში მრავალი დასრულებული პროექტის დათვალიერებისას გოგონამ იპოვა ვარიანტები, რომლებიც მის სიტუაციას მოერგებოდა. ფულის დაზოგვის მიზნით, არა მხოლოდ თავად შეასრულა სამუშაოს უმეტესი ნაწილი, არამედ მამა და მეგობრებიც დაიხმარა.


ფართის მოსაწყობად გამოიყენა გადამუშავებული მასალები, დაფები, პალეტები, ბევრი რამ ნათესავებმა და მეგობრებმა აჩუქეს, ასე გაჩნდა თაროები საძილე ადგილის ზემოთ და სამზარეულოს არეში, ვიტრაჟი საწოლის თავზე, ორმაგი მინის კარები და მოკრძალებული ტილო შემოსასვლელში.



ყველაზე ძვირი კანალიზაციის სისტემის დაყენება დაჯდა, გოგონამ ასევე მოაწყო პატარა სასადილო ადგილი ტრანსფორმირებადი მაგიდით, ბოლოსკენ საკმაოდ კომფორტული საწოლი, უფრო სწორად, მაღალი პოდიუმი გააკეთა ბევრი თაროთი პირადი ნივთებისა და თეთრეულის შესანახად. სახლი გარშემორტყმულია სურნელოვანი ბაღით და ამ ყველაფრის მოწყობას მხოლოდ 55 დღე დასჭირდა.