დიდგაბარიტიანი ტრანსპორტის ტრანსფორმაცია სულ უფრო პოპულარული ჰობი ხდება იმ ადამიანებისთვის, რომლებიც მზად არიან ფინანსური თავისუფლების და ასევე საცხოვრებელი ადგილის შერჩევის სანაცვლოდ მსგავსი საცხოვრებლით დაკმაყოფილდნენ. მსგავს გადაწყვეტილებას უფრო ხშირად თავგადასავლების მოყვარულები მიჰყვებია., როგორც წესი, ისინი ექსტერიერის გაფორმებაზე მინიმალურ ძალისხმევასა და ფულს ხარჯავენ, მაგრამ არიან ისეთებიც, მაგალითად ამ სკოლის ავტობუსის მფლობელები, რომლებმაც ყველაფერი გააკეთეს, რომ თავიანთი ბორბლებიანი, მობილური თავშესაფარი ნამდვილ სახლად ექციათ. მათ ძალიან მოინდომეს და არაჩვეულებრივი "ტყის ქოხი" მიიღეს.

წყვილი ძალიან აქტიური იყო, მზადმყოფი ყოველგვარი ექსპერიმენტისთვის. ქორწინების 8 წლის განმავლობაში მათ საკუთარი თავი მრავალმხრივ გამოსცადეს: ბოდიბილდინგიდან დაწყებული, საბრძოლო ხელოვნებით დამთავრებული. ბოლოს დაგეგმეს, შეექმნათ ახალი ტურისტული მარშრუტები და ეცხოვრათ ფურგონში, მხოლოდ იმისთვის, რომ არ ჩაფლულიყვნენ ყოველდღიურ ცხოვრებაში. უყოყმანოდ მიატოვეს საკმაოდ წარმატებული კარიერა, კომფორტული სახლი გააქირავეს და მიზნის განხორციელებას შეუდგნენ.

მიუხედავად იმისა, რომ ტომპსონების სასკოლო ავტობუსი სრულად ფუნქციონირებს, როგორც მანქანა, მათ მიერ შექმნილი სივრცე ნამდვილად არის სახლი, როგორც შიგნით, ასევე გარეთ. ეს ძალიან მნიშვნელოვანი იყო წყვილისთვის - ისინი ემზადებოდნენ გამხდარიყვნენ მშობლები და პირველ შვილთან ერთად შორეულ მოგზაურობაში წასულიყვნენ.

სამუშაოების დასრულების შემდეგ ტრანსპორტის ექსტერიერი ნამდვილად შთამაგონებელია, ის არ ჰგავს ნებისმიერი სხვა სასკოლო ავტობუსს. იმიტირებული დახრილი სახურავი ხელს უწყობს ყურადღების გადატანას იმ ფაქტისგან, რომ სახლი გრძელი, ვიწრო მართკუთხედია. ავტობუსი გარედან ნატურალური ხით არის გაფორმებული, აქ თითოეული ფანჯრის ქვეშ ყვავილების ყუთიც კი არის სასიამოვნო ატმოსფეროს შესაქმნელად.
სრულყოფილი საცხოვრებელი სივრცის მისაღებად წყვილს 2 წელი დასჭირდა.

მათ სახლში არის ყველაფერი, რაც აუცილებელია ოჯახის ყველა წევრის კომფორტული ცხოვრებისა და მუშაობისთვის. მისაღებ ოთახში არის ფუნქციური დივანი თავისი შესანახვი სისტემებით, დამონტაჟებულია თუჯის ბუხარი, რომელიც ძალიან სასარგებლოა ცივ სეზონზე, ის საშუალებას იძლევა დაიზოგოს ელექტროენერგია, რომელიც გამოიყენება მუდმივად, კომფორტული ტემპერატურის შესანარჩუნებლად.

საინტერესოა ის ფაქტი, რომ ენთუზიასტთა ოჯახი ავტოსადგომს თავის აგარაკზე აწყობს, სადაც სახლი, როგორც უკვე აღვნიშნეთ, გაქირავებული აქვთ, თავად კი ზღაპრულ ქოხში ცხოვრობენ, ტყის ნაპირას. ასევე ხშირად მიდიან სამოგზაუროდ, პარალელურად, მირა აკეთებს მასაჟს (ეს მისი პროფესიაა და ამისთვის ავტობუსის წინა ნაწილში არის სპეციალური მაგიდა), ჯერემიმ კი თავისი თავი დურგლობაში აღმოჩნდა, ამჯერად ის ტრაილერზე აშენებს ახალ სახლს, რომლის გაყიდვას გეგმავს, რათა შემოსავლით მომავალი ოცნებები განახორციელონ.