თუ ტელეფონი შემთხვევით დაგისველდათ, ნუ ჩავარდებით პანიკაში. მოათავსეთ ის ბრინჯით სავსე მცირე ზომის პარკში ან თეფშში. ბრინჯი იწოვს ზედმეტ სისველეს. იგივენაირად შეიძლება მოიქცეთ სველი მარილის შემთხვევაშიც.

ბრინჯისგან შესაძლებელია კარგი გამათბობლის დამზადებაც. შეკერეთ ტომარა ან აიღეთ მზა და ჩაყარეთ უმი ბრინჯი. თუ რამე გტკივათ, მოათავსეთ ტომარა მიკროტალღურ ღუმელში და ცოტა შეათბეთ.

ბრინჯით შეგიძლიათ გარეცხოთ ლარნაკები და ვიწრო ყელიანი ჭურჭელი. ის მოქმედებს, როგორც სკრაბი. როცა ჭურჭლის კედლებს ხელით ვერ ეხებით, ჩაასხით მასში ჭურჭლის სარეცხი საშუალება, დაუმატეთ ბრინჯი და კარგად შეანჯღრიეთ, რათა ჭუჭყი კედლებს ჩამოშორდეს.

ასევე, ბრინჯის დახმარებით შეგიძლიათ ყავის საფქვავი გაასუფთაოთ. ჩაყარეთ მასში ცოტაოდენი უმი ბრინჯი და ჩართეთ საფქვავი 1 წუთით.

თუ რაიმე ხილის ან ბოსტნეულის სწრაფად დამწიფება გსურთ, მოათავსეთ ის ბრინჯიან კონტეინერში.

ბრინჯს ამზადებთ? გადმოასხით ბრინჯის ნახარში (მაგრამ არა მარილიანი), გააგრილეთ და დაიბანეთ სახე ისე, როგორც ამას ტონიკით აკეთებთ. ბრინჯი გაწმენდს თქვენს სახეს.