ხშირად ხდება ისე, რომ ბინა ისეა დაპროექტებული ან სივრცის განაწილება ისე გვიწევს, რომ რომელიმე ოთახი უფანჯროდ რჩება. უფრო ხშირად საძინებელს "წირავენ" ხოლმე უფანჯრობისთვის. თუმცა ამ დროს მაინც არის გამოსავალი. 

გარდა იმისა, რომ უფანჯრო საძინებელი უნდა მოაწყოთ ღია, ნათელ ფერებში, იზრუნოთ შესაბამის განათებაზე და შეიძლება, სარკის მეშვეობითაც შექმნათ ფანჯრის ეფექტი, ასევე კარგი გამოსავალია ფანჯრებიანი ოთახიდან სარგებლობა? როგორ? თუ თავად ტიხრავთ ოთახებს, ზემოთ შეგიძლიათ დატოვოთ სივრცე და კედლის ზედა ნაწილი მთლიანად შემინოთ. ასე მეორე ოთახიდან შუქი თავისთავად შემოვა. ასევე შეიძლება ტიხრის ისე გაკეთება, რომ ძირითადი ნაწილი იყოს შემინული და საწოლის ნაწილი იყოს დაფარული. შეგიძლიათ, მეორე ოთახთან აგურის კედლის ნაცვლად შუშის გაუმჭვირვალი კედელიც აღმართოთ, რომელიც ფანჯრიდან შემოსულ შუქს თავისუფლად შემოუშვებს თქვენს საძინებელში. გთავაზობთ ბევრ ფოტოიდეას და ალბათ, რომელიმე აუცილებლად გამოგადგებათ.