თქვენი ტერასის კედლები მოუწესრიგებელია? დროა მასზე იზრუნოთ. ზოგჯერ ამას არ სჭირდება ძვირად ღირებული რემონტი - საკმარისია მხოლოდ რამდენიმე ხრიკი, რომ ტერასა გამოიყურებოდეს მოდურად, ლამაზად, სუფთად და ამავდროულად იყოს ფუნქციური და კომფორტული. მცენარეები, გირლანდები, საღებავების ფერები, დეკორატიული საგნები თუ ტექსტილი - ეს ყველაფერი ხელს შეუწყობს სილამაზის და კომფორტის შექმნას დიდი სირთულის გარეშე.

ტერასის კედლების განახლების უმარტივესი გზა მათი უბრალოდ ხელახლა შეღებვაა. ფერი უმნიშვნელოვანეს როლს ასრულებს, იქნება ეს ინტერიერი, სახლის ფასადი თუ გარე ტერიტორია. ამ სეზონზე დიზაინერები გვირჩევენ რბილ, მზიან, ტერაკოტის ფერებს. ნუ შეგეშინდებათ ნათელი აქცენტების: ტერაკოტა ძალიან უხდება ფირუზისფერს, პიტნისფერს და სხვა მწვანე დეტალებს, რომლებიც შესანიშნავად გამოიყურება ტერასაზე.

ძველი, გაფუჭებული ტერასის კედლის შენიღბვის კიდევ ერთი ვარიანტია მისი დაფარვა ვაზის, სუროს, ველური ყურძნისა და სხვა მცოცავი მცენარეებით. შეგიძლიათ შეიძინოთ სპეციალური დეკორატიული გისოსები, რომლებზეც ისინი ლამაზად აცოცდებიან. თუ უპირატესობას ანიჭებთ ყვავილებს, გამოიყენეთ ჰორტენზია, ველური ვარდები, ვარდები ან ჟასმინი.

როგორც დეკორაციის ფუნქციური ელემენტი, შეგიძლიათ გამოიყენოთ ჩვეულებრივი კიბე, რომელიც შეიძლება განთავსდეს კედელთან ახლოს. მისი გამოყენება კარგად შეიძლება გარე ტერიტორიების გასაფორმებლადაც. კედელზე მიყრდნობილი კიბე დიდ ადგილს არ იკავებს, მაგრამ შეიძლება გახდეს საკიდი სასადილო ზონაში ან პლაჟის პირსახოცებისთვის (აუზის ზონაში), ჩალის ქუდებისთვის ან ყვავილების ქოთნების სადგამი.

ვერტიკალურად ჩამოკიდებული ყვავილები და ლამაზი დიზაინერული პლანტატორები კიდევ ერთი გზაა გაფუჭებული კედლის შესანიღბად. ჯობია საამისოდ ჰორტენზია და ლავანდა გამოიყენოთ.

ხის ღობე მოდური გადაწყვეტილებაა, რომელიც ახლა აქტიურად გამოიყენება ინტერიერშიც. ეს ელემენტი შთამბეჭდავად გამოიყურება და ამავდროულად ძალიან ბუნებრივად , რადგან ხე იდეალური მასალაა ტერასის მოსაწყობად.

ჩალის კალათები კედლებზე ბზარების და ნაპრალების დამალვის ძალიან კარგი საშუალებაა. განსაკუთრებით უხდება თეთრად შეღებილ ზედაპირზე. კალათები ასევე შეიძლება გამოყენებულ იქნას მათი დანიშნულებისამებრ, მაგალითად, მათში ბაღის ხელსაწყოების შესანახად.

და რა თქმა უნდა, არ უნდა დავივიწყოთ გირლანდები. ასეთი განათება კარგად დამალავს თქვენი ტერასის ნაკლოვანებებს და ამავდროულად დაგეხმარებათ შექმნათ მშვიდი და ცოტა ინტიმური ატმოსფერო.

კიდევ ერთი გზაა ძველი კედლის სარკეებით გაფორმება. ეს ძალიან ორიგინალური და საინტერესო გადაწყვეტილება იქნება.

თუ განათების თემას განვაგრძობით, გირჩევთ, არ დაივიწყოთ ისეთი სასარგებლო ნივთები, როგორიცაა სხვადასხვა სახის ფარნები და სანთლები. დღესდღეობით, არსებობს პორტატული ნათურების მრავალი განსხვავებული მოდელი, რომლებიც იკვებება ბატარეებით და შეიძლება გამოყენებულ იქნას სახლში, ბაღში ან ვერანდაზე. მათი მთავარი პლუსი არის ადგილიდან ადგილზე გადატანის შესაძლებლობა და სადენის
არარსებობა.

და ბოლოს, კედლის გაფორმების კარგი საშუალებაა დეკორატიული ნიშების გაკეთება (ან გამოიყენეთ ის, რაც უკვე გაქვთ), რომლებშიც შეგიძლიათ მოათავსოთ ლარნაკი, ყვავილების კომპოზიციები, დეკორატიული ნივთები ან სხვა ლამაზი საგნები.