ჟურნალისტი დათო ლიკლიკაძე ფეისბუქში ულამაზესი შენობის ფოტოებს დამაინტრიგებელი მინაწერით აქვეყნებს.
"ავსტრიაში ვარ? ეს ვენის ქუჩები არ გეგონოთ. აბა, ეს ბაროკო სენაკშია? კი, შუაგულ სამეგრელოში. შენობა ადრეც ვიცოდი. შიგნით კი თეატრის სამხატვრო ხელმძღვანელმა, ნიჭიერმა კაცმა, ირაკლი ადამიამ მიმიპატიჟა" - წერს ჟურნალისტი და სენაკის აკაკი ხორავას სახელობის პროფესიული სახელმწიფო დრამატული თეატრის შენობის ფოტოებს გვიზიარებს. მართლაც, ულამაზესი სანახაობაა.
განახლებული სენაკის თეატრის პირველი სეზონი გაიხსნა 1991 წლის 10 ივლისს დრამატურგ ვ. კანდელაკის პიესის ,,დრო 24 საათი” დადგმით.