მოგზაურობა ბევრი მიზეზის გამო გვიზიდავს, ერთ-ერთი მათგანი კი განსხვავებული და გამორჩეული არქიტექტურის მონახულებაა. ამ სტატიაში სწორედ ყველაზე ლამაზი არქიტექტურის მქონე ქალაქებზე ვისაუბრებთ და შემოგთავაზებთ იდეებს თქვენი შემდეგი მოგზაურობისთვის.

ბარსელონა, ესპანეთი
მსოფლიოში ერთ-ერთი ყველაზე ცნობილი არქიტექტორის სამშობლო ნამდვილად უნდა იყოს ამ სიის სათავეში. ანტონიო გაუდის შემოქმედებას ბარსელონაში ბევრი არქიტექტურული ძეგლი ეკუთვნის. ყველაზე ცნობილი და გამორჩეული არქიტექტურული ნაგებობა „საგრადა ფამილიაა“, რომელის მშენებლობა დასრულებული არ არის, თუმცა ის მსოფლიოს ერთ-ერთი ყველაზე მნიშვნელოვანი არქიტექტურული შედევრია. გუელის პარკი - ულამაზესი პარკი ბარსელონაში, რომელიც იუნესკოს მსოფლიო მემკვიდერობის ძეგლია, ასევე გაუდის შემოქმედებაა.
თუ ეს და სხვა არქიტექტურული ძეგლები ჯერ არ მოგინახულებიათ, აუცილებლად უნდა შეიძინოთ ბარსელონას Aviabiletebi და მისი ულამაზესი არქიტექტურა საკუთარი თვალით ნახოთ. ავიაკომპანია Wizz Air - ი ქუთაისიდან ასრულებს პირდაპირ ფრენებს ბარსელონას მიმართულებით და იაფ ავიაბილეთებს გვთავაზობს.

რომი, იტალია
ცნობილი, როგორც კულტურის აკვანი, რომი გთავაზობთ რომაული არქიტექტურის ყველაზე თვალწარმტაც და საინტერესო შედევრებს. უძველესი ქალაქი რომი სავსეა რომაული ნანგრევებით, შადრევნებით, ეკლესიებითა და მოედნებით, რომლებიც იმედებს ნამდვილად არ გაგიცრუებთ. კოლიზეუმი, პანთეონი და წმინდა პეტრეს ბაზილიკა ის ადგილებია, რომლებიც რომში აუცილებლად უნდა მოინახულოთ.
თუ მსოფლიოს ერთ-ერთი უძველესი და გამორჩეული არქიტექტურის მონახულება თქვენი ოცნებაა, შეგიძლიათ თბილისიდან შეიძინოთ რომის ავიაბილეთები Pegasus Airlines - ის რეისზე და სტამბოლში გადაჯდომის შემდეგ აღმოჩნდეთ არქიტექტურულ სამოთხეში.


პრაღა, ჩეხეთი
თუ გსურთ ერთ-ერთ ყველაზე გამორჩეულ ევროპულ არქიტექტურას გაეცნოთ, აუცილებლად უნდა ესტუმროთ პრაღას. პრაღაში ნახავთ არქიტექტურის ყველანაირ სტილს - გოთიკური, რომალური, რენესანსულ-ბაროკოს და როკოკოს სტილი, ამ ყველაფერს კი თან ერთვის კომუნისტური ეპოქის არქიტექტურა და პოსტმოდერნული არქიტექტურა, რომელიც დამკვიდრდა კომუნისტური რეჟიმის დაცემის შემდეგ.
ძველი ქალაქის მოედანზე მდებარე არქიტექტურულ შედევრზე, საათის კოშკზე დაკვირვების შემდეგ, გაიარეთ მდინარე ჩარლზზე პრაღის ციხის ულამაზესი ხედების სანახავად. ციხე გთავაზობთ პრაღის წითელსახურავიანი სახლების გასაოცარ ხედებს.
ამ შესანიშნავი არქიტექტურული მოგზაურობის მოწყობა საკმაოდ მარტივად შეგიძლიათ, რადგან Wizz Air - ი ქუთაისი პრაღის მიმართულებით გვთავაზობს პირდაპირ ფრენებს და საკმაოდ იაფ ავიაბილეთებს გვთავაზობს.


ფლორენცია, იტალია
თუ ევროპის გამორჩეული არქიტექტურის მქონე ქალაქებზე ვსაუბრობთ, მაშინ ფლორენცია ამ სიაში აუცილებლად უნდა მოვახვედროთ. იტალიის ქალაქი და ტოსკანას რეგიონის დედაქალაქი გთავაზობთ ძელი ბერძნული და რომაული სტილის, გოთიკური არქიტექტურისა და რენესანსის სტილების შედევრებს.
იმოგზაურეთ წარსულში ამ კულტურულად და ისტორიულად მდიდარ იტალიურ ქალაქში, რომელიც წარმოადგენს საუკეთესო ევროპულ არქიტექტურას. სან ლორენცოს ბაზილიკასთან ერთად, თვალწარმტაცი ფლორენციის ტაძარი არ უნდა გამოტოვოთ.

ამსტერდამი, ნიდერლანდები
ამსტერდამი ცნობილია არხის გასწვრივ მდებარება ვიწრო სახლებით, რომლებიც ამ ქალაქში საოცარ სანახაობას ქმნიან. დღეს ეს თვალწარმტაცი სახლები გადაკეთებულია მუზეუმებად, სასტუმროებად და ოფისებად.
ამსტერდამის მოსანახულებლად საუკეთესო საშუალება ველოსიპედით გასეირნებაა. ამ დროს თქვენს თვალწინ გადაიშლება ამსტერდამის რენესანსული და ბაროკოს სტილის არქიტექტურა, რაც ამსტერდამს ასე გამორჩეულს ხდის.
ამსტერდამში გამგზავრება თბილისიდან შეგიძლიათ როგორც პირდაპირი, ისე ტრანზიტული რეისებით. პირდაპირ ფრენებს ავიაკომპანია Georgian Airways-ი გვთავაზობს.


ბუდაპეშტი, უნგრეთი
ბუდაპეშტი, რომელიც ხშირად მოიხსენიება როგორც აღმოსავლეთ ევროპის პარიზი, ევროპის ულამაზეს არქიტექტურულ ქალაქებს შორის ნამდვილად იმსახურებს ყოფნას. ბუდაპეშტშ მოგზაურობისას თქვენც ნახავთ და გაიცნობთ არტ ნუვოს არქიტექტურულ სტილს, რომელიც მიუთითებს უნგრეთის აღმოსავლურ მემკვიდრეობაზე.
თუ ბუდაპეშტი აქამდე თქვენი სამოგზაურო ქალაქების სიაში არ ყოფილა, მაშინ დაუყოვნებლივ შეიტანეთ. ამ ქალაქში გამგზავრება ქუთაისიდან შეგიძლიათ ვიზეარის პირდაპირი რეისებით, რომელიც გვთავაზობს იაფ ავიაბილეთებს ბუდაპეშტის მიმართულებით.

R