ლოს ანჯელესში, ჰოლივუდში, ფიფქიას სახლის მაგვარი საოცარი სახლი იყიდება. ამჟამინდელმა მფლობელმა ის 1,39 მლნ დოლარად შეაფასა.
ეს სახლი 1938 წელს არის აშენებული. 2016 წლამდე მისი მფლობელი იყო ოჯახი, რომელიც მას ღამეში 307 დოლარად აქირავებდა. 2016 წელს კი ობიექტი ამჟამინდელმა მფლობელმა 949 ათას დოლარად შეიძინა.

სახლის გამორჩეული დეტალია სახურავი და საკვამური. სახლის ინტერიერი ორგანულად ერწყმის ექსტერიერს და თავს ზღაპარში წარმოგადგენინებთ.

სახლს ამშვენებს ხის იატაკი და ჭერი, ხის ბუხარი და კარ-ფანჯარა.

ორიგინალურად გამოიყურება სამზარეულოც, რომელიც ფიფქიას სამზარეულოს თანამედროვე ვერსიას მოგაგონებთ.

სახლში არის ასევე ორი საძინებელი, ერთი აბაზანა და ერთიც საპირფარეშო. ასევე არის ოთახი სახლის ოფისისთვის.

ორიგინალური დიზინი ერწყმის თანამედროვეს, აქ ყველაფერი თანამედროვე ტექნიკით არის აღჭურვილი.