თანამედროვე სამყაროში, როდესაც ყველა ყველაფერში კომფორტს ეძებს, სასტუმროებიც ცდილობენ ტრადიციული ნომრები მაქსიმალურად მოსახერხებელი გახადონ, ეს კი მოითხოვს მეტ ადგილს, არ არის ადვილი ერთ ოთახში მოათავსო ყველაფერი, რაც ადამიანს დასჭირდება კარგი დასვენებისთვის. თუმცა არსებობს სასტუმროები, რომლებიც პირიქით, მინიატურულ საძილე ადგილებს სთავაზობენ მომხმარებელებს. ყველაზე საინტერესო ის არის, რომ ასეთი შეთავაზებები მოთხოვნადია სასტუმრო ბიზნესში და წლების განმავლობაში დიდი პოპულარობით სარგებლობს. წარმოგიდგენთ პლანეტის ხუთ ყველაზე უცნაურ, მაგრამ კომპაქტურ სასტუმროს ნომერს.

იაპონია

ამომავალი მზის ქვეყნის სასტუმრო ბიზნესში სრულფასოვანი მიმართულებაა კაფსულური სასტუმროები. იქ მდებარე ოთახები რეალურად პატარა ოთახებია, რომლებიც კაფსულებს მოგვაგონებს კოსმოსური კოლონიზატორების შესახებ ფილმებიდან. თუმცა, ბევრი ადამიანი ცდილობს ამ საძილე ადგილებში მოხვედრას, რადგან ისინი ნამდვილად კომფორტულია, ხელს უწყობს კონფიდენციალურობას და, რაც მთავარია, იაფია.

პერუ

საინტერესო კონცეფცია ღამის გასათევად საძილე ადგილი გამჭვირვალე კედლებით, რომელიც ციცაბო კლდეზეა დამაგრებული. უფრო მეტიც, აღსანიშნავია არჩეული ადგილი - ცნობილი ტურისტული ატრაქციონი, რომელიც ოთახებიდან იშლება. მართალია, ყველას არ შეუძლია მისი გამოყენება: მიუხედავად იმისა, რომ პატარა ოთახი კეთილმოწყობილი და კომფორტულია, სიმაღლე, რომელზეც ეს ოთახები მდებარეობს, 400 მეტრამდე აღწევს, ამიტომ ვისაც შესაბამისი ფობია აქვს, სასტუმროში არ უნდა დარჩეს.

კოლუმბია

ამ დაწესებულებას ხშირად უწოდებენ ბანაკს. ის ფაქტიობრივად უდაბნოს საზღვარზე მდებარეობს, აქ ოთახები არის ცისარტყელას ფერებში შეღებილი კაფსულები, რომლებიც გარკვეულწილად მოგვაგონებს კასრებს. სხვათა შორის, სველი წერტილები არის არა ინდივიდუალური, არამედ საერთო. მაგრამ ეს უდაბნოში განთავსებულ სასტუმროს მხოლოდ გარკვეულ ხიბლს მატებს.

კანადა

ეს უცნაური კონსრტრუქცია, რომელიც ხეებს შორის არის დაკიდებული, ისეთ შთაბეჭდილებას ტოვებს, თითქოს დიდი ზომის ჩიტების სახლი ან ნაძვის ხის დეკორაციაა, მაგრამ ზუსტად ასე გამოიყურება სასტუმროს სრულფასოვანი ნომრები კომპლექსში, სადაც შეგიძლიათ ჰაერში იყოთ დაკიდებული. ეს კონცეფცია ძალიან მოთხოვნადი აღმოჩნდა ეკოტურისტებში.

 ნიდერლანდები

ეს ჰოლანდიის დედაქალაქში სასტუმრო ბიზნესის ერთ-ერთი საინტერესო კონცეფციაა, სადაც ძველი და ახალი კომპლექსურად არის სინთეზირებული. ე.წ საწოლები ძილის ძველი ტრადიციიდან მოდის. სამასი წლის წინ ასეთი საძილე ადგილი თუ ცხოვრების თავისებურებებით იყო ნაკარნახევი, დღეს ნიდერლანდებში მას იყენებენ, როგორც განმარტოების შესანიშნავ საშუალებას.