როგორ დავალაგოთ აგარაკი - რჩევები მათთვის, ვინც აგარაკზე მხოლოდ შაბათ-კვირას მიდის

შევეცდებით გავუმარტივოთ ცხოვრება მათ, ვინც აგარაკზე ასვლას მხოლოდ შაბათ-კვირას ახერხებთ და მოგცეთ რჩევები, როგორ დაალაგოთ სახლი ისე, რომ დასვენების დღეების ნახევარი ლაგებაში არ გაატაროთ.

თუ აგარაკზე ყოფნა მხოლოდ დასვენების დღეებში გიწვეთ, შაბათ-კვირას, ეცადეთ, სახლში წამოსვლის დროს მოწესრიგებული დატოვოთ, გაითვალისწინეთ, რომ რთული სამუშაო კვირისა და რადენიმესაათიანი მგზავრობის შემდეგ ნამდვილად არ გექნებათ იმის ძალა და ენერგია, რომ გასარეცხი ჭურჭელი რეცხოთ და სახლი ალაგოთ, სახლი ისე უნდა დაგხვდეთ, რომ შეხვიდეთ და დაისვენოთ.

დალაგებულ და გაწკრიალებულ სახლშიც კი გროვდება მტვერი. ამიტომ შეხვალთ თუ არა სახლში,
გააღეთ ფანჯრები და კარგად გაანიავეთ შენობა. ასევე ჰორიზონტალური ზედაპირები სველი, კარგად გაწურული ტილოთი გაწმინდეთ.
თუ ჩვენს მიერ მითითებული პუნქტი შესრულებული გაქვთ და სახლი დალაგებული დატოვეთ, მაშინ მთელ ამ პროცედურას ნახევარ საათზე მეტი არ დასჭირდება.
თუ სახლში ნესტის სუნი დგას, გამოიყენეთ არომატული სანთლები ან ინტერიერის პარფიუმი.

იმ ხუთი დღის განმავლობაში, როდესაც ქალაქში იქნებით და აგარაკზე ვერ ახვალთ, ნაგვის ურნაში ნაგავი აყროლდება, ყვავილები დაჭკნება, პროდუქტი გახმება.და გაფუჭდება. ეს ყველაფერი კარგად გაითავლისწინეთ და ზედმეტი პრობლემების თავიდან აცილების მიზნით სახლში მსგავსი არაფერი დატოვოთ, ყველაფერი დააცარილეთ და ისე დატოვეთ სახლი.

ხშირად ისე ხდება, რომ აგარაკზე ისეთი ნივთები მიაქვთ ხოლმე, მათ შოის დასალაგებელი ინვენტარი, რომელიც გამოსაყენებლად არ ვარგა. ეს გამართლებული არ არის, გვერწმუნეთ, მოსახერხებელი და ეფექტური საშუალებები აგარაკზე ცხოვრებას ნამდვილად გაგიმარტივებთ. გახსოვდეთ, რაც
ნაკლებ დროს და ენერგიას მოახმართ დალაგება-დასუფთავების პროცესს, მით უკეთესად დაისვენებთ.

რაც შეეხება ტექსტილს, ხშირად გაუნიავებლ სახლში თეთრეულს და პირსახოცებს ნესტისა და მტვრის სუნი ასდის ხოლმე. მსგავსი პრობლემის წინაშე რომ არ აღმოჩნდეთ, წასვლის დროს თეთრეული დაკეცეთ, მოათავსეთ პოლიეთილენის პარკებში და შემდეგ კარადაში. ასე პრობლემას მარტივად და ეფექტურად მოაგვარებთ.

კომენტარის დამატება

მსგავსი სიახლეები