მოდელი თამუნა ვაშალომიძე მეუღლესთან – აკა სამხარაძესთან და ორ შვილთან ერთად ცხოვრობს.
წყვილი დიდ, თეთრ ფერებში მოწყობილ ბინაშია, რომლის ინტერიერიც თამუნას გემოვნებით არის მოწყობილი. თამუნა ხშირად აქვეყნებს ფოტოებს სახლიდან, სადაც ლამაზი და დახვეწილი ინტერიერი მოჩანს, თეთრი, კრემისფერი ტონალობებით და კლასიკური სტილის დომინირებით.

ამჯერად მოდელმა ახალი სარკე შეიძინა, რომელიც საკმაოდ დიდი ზომისაა და ძალიან უხდება ინტერიერს, თუმცა დიასახლისი წუხს, რომ სახლში ახალ ნივთს ადგილი ვერ მოუძებნა. „მეგობრებო, ულამაზესი სარკე გავაკეთებინე, მაგრამ არ ვიცი, სად დავდგა. საერთოდ არ მაქვს ადგილი. ძალიან დიდი სახლი გვაქვს, მაგრამ მაინც არაფერი მეტევა. ნახეთ, რა ლამაზია, სადა“ - ამბობს ის.



მოდელს და აკას საერთო შვილი – მაქსიმე ჰყავთ, სოფია კი თამუნას შვილია წინა ურთიერთობიდან.