ფილიპ კირკოროვს უძრავი ქონება სხვადასხვა მეგაპოლისში აქვს, ამჯერად მის სახლს დავათვალიერებთ მოსკოვში. ექსპერტები ამ სახლს 12 მლნ დოლარად აფასებენ. ლოკაცია წარმატებით არის შერჩეული, ხედი ტყესა და ტბას გადაჰყურებს. დახურულ დაცულ ტერიტორიას საკუთარი გასასვლელი აქვს ტბის ნაპირზე, საუნა, აუზი, სპორტული დარბაზი, სახლს საკუთარი ეკლესიაც კი აქვს.




თავად მომღერალი ამ სახლს "ოცნების სახლს" უწოდებს. თავდაპირველად სახლი გამყიდველმა 25 მლნ. დოლარად შეუფასა, თუმცა მაშინ მომღერალს არ ჰქონდა ამდენი თანხა და შეძენა ვერ მოახერხა, 10 წლის შემდეგ კი, სახლის პატრონს სასწრაფოდ დასჭირდა ფული და იძულებული იყო თანხა დაეკლო.
ეპატაჟის მოყვარული მომღერალი საკუთარ თავს უარს არაფერზე ეუბნება, ცდილობს სახლში მაქსიმალური კომფორტი მოიწყოს.