პალუდარიუმი არის აკვარიუმის ტიპი, რომელიც აერთიანებს ხმელეთის და წყლის ელემენტებს. მას ხშირად იყენებენ ბაყაყების, თევზის ან წყლის მცენარეებისთვის. როგორც წესი, პალუდარიუმში შესაფერისი ჰაბიტატის შესანარჩუნებლად საჭიროა სპეციალური განათება, ფილტრაციის სისტემა და ბარიერი ნიადაგსა და წყალს შორის. მაგრამ ყველა ზემოთ ჩამოთვლილი სირთულის მიუხედავად, თქვენ თვითონ შეგიძლიათ შექმნათ უნიკალური სილამაზის სამყარო, მთავარია, მოინდომოთ.

პირველ რიგში შეარჩიეთ ადგილი, სადაც განთავსდება პალუდარიუმი, შემდეგ აირჩიეთ მინის ან პლასტმასის ავზი (ზომა და ტიპი დამოკიდებული იქნება ცხოველებისა და მცენარეების ტიპზე და რაოდენობაზე, რომლის შენახვას აპირებთ). ამის შემდეგ დაგჭირდებათ ჩანჩქერის სისტემა. არ უნდა დაგვავიწყდეთ, რომ ავზის ნაწილი უნდა იყოს სავსე მიწით მცენარეებისა და ცხოველებისთვის.

ალუდარიუმის ლანდშაფტის დიზაინი დამოკიდებული იქნება იდეაზე ან კონცეფციაზე, რომლის განხორციელებაც გსურთ. ტროპიკული ტყის დიზაინისთვის გამოიყენეთ დიდი ზომის ქვები, გვიმრები და სხვა ფოთლოვანი მცენარეები, ასევე პატარა ჩანჩქერი, ზოგადი წყალსაცავისთვის უმჯობესია გამოიყენოთ ქვები, ქვიშა და წყლის მცენარეები, რითაც მიბაძავთ ტბის ან აუზის სანაპიროს. რაც შეეხება კუნძულს, აუცილებელია ქვებითა და მცენარეებით მცირე ფართობის გამოყოფა, რათა ცხოველებმა საჭიროების შემთხვევაში გათბნენ და გაშრნენ.

ასევე მნიშვნელოვანია ადგილმდებარეობის დაგეგმვა და დანაყოფის დაყენება. ის უნდა განთავსდეს ისეთ ადგილას, რომელიც შეესაბამებოდეს მცენარის შერჩეულ ტიპს. გარდა ამისა, თუ თქვენ გეგმავთ თევზის ყოლას, დაგჭირდებათ ბარიკადის გაკეთება, რათა თავიდან აიცილოთ მათი წყლიდან "გაქცევა".

ყველა ელემენტი, როგორიცაა ქვები, ხე, ქვიშა და მცენარეები, უნდა იყოს მდგრადი ლპობის მიმართ. ეს განსაკუთრებით მნიშვნელოვანია, თუ პალუდარიუმი ინახება ტენიან გარემოში. სწორად შერჩეული მასალები, რომლებიც მდგრადია ტენისა და წყლის მიმართ, უზრუნველყოფს ტერიტორიის ხანგრძლივ ჯანმრთელობას და სტაბილურობას.

ასევე მნიშვნელოვანია პალუდარიუმის განათების სისტემის სწორად დაგეგმვა. განათების სისტემების ორი ძირითადი ტიპი არსებობს: ბუნებრივი და ხელოვნური განათება. ბუნებრივი განათების მიღწევა შესაძლებელია პალუდარიუმის ფანჯარასთან განთავსებით, მაგრამ ფრთხილად იყავით, რომ თავიდან აიცილოთ მზის პირდაპირი სხივები, რამაც შეიძლება წყლის გადახურება და წყალმცენარეების ზრდა გამოიწვიოს. ხელოვნურ განათებას, როგორიცაა ლედ ნათურები ან სპეციალიზებული მოწყობილობები, შეუძლია ჩაანაცვლოს ბუნებრივი შუქი და ხელი შეუწყოს მცენარის ზრდას. მნიშვნელოვანია, რომ განათების სისტემა შეესაბამებოდეს პალუდარიუმში დაცული ცხოველებისა და მცენარეების სპეციფიკურ საჭიროებებს.
პალუდარიუმის დაპროექტებისას მნიშვნელოვანია მცენარეების გათავსება მათი ტენიანობის საჭიროების მიხედვით. რომელიც კარგად იზრდება ტენიან პირობებში (წყლის მცენარეები), მოათავსეთ ისეთი ადგილის ბოლოში, სადაც ისინი მუდმივად იქნებიან ტენიანობის ქვეშ. რაც შეეხება მცენარეებს, რომლებსაც ნაკლები ტენიანობა სჭირდებათ და უფრო მშრალ პირობებს ანიჭებენ უპირატესობას (როგორიცაა სუკულენტები), აუცილებელია მათი განთავსება უფრო მაღლა ზონაში, რითაც მცირდება ტენის რაოდენობა.

პალუდარიუმი შეიძლება გახდეს სახლი არა მხოლოდ თევზისთვის, არამედ მრავალფეროვანი არსებისთვისაც. მოლუსკებისთვის, ლოკოკინებისა და მიდიებისთვის. კიბოსნაირები და კრევეტები შეიძლება დაემატოს როგორც დეკორატიული, ასევე ფუნქციური მიზნებისთვის. შესანიშნავად გრძნობენ თავს პალუდარიუმში ქვეწარმავლები და ამფიბიები, მაგალთად ბაყაყები, რადგან ის აერთიანებს როგორც ხმელეთის, ასევე წყლის ელემენტებს. 


ნებისმიერი ცხოველის პალუდარიუმში მოთავსებამდე მნიშვნელოვანია მათი ქცევისა და კვების საჭიროებების შესწავლა, რათა დარწმუნდეთ, რომ მათ შეუძლიათ ჰარმონიულად იცხოვრონ გვერდიგვერდ. ზოგიერთი სახეობა შეიძლება იყოს მტაცებელი და საფრთხეს უქმნიდეს სხვა არსებებს. ასევე მნიშვნელოვანია იმის უზრუნველყოფა, რომ პალუდარიუმს ჰქონდეს საკმარისი სივრცე და რესურსები, როგორიცაა საკვები და თავშესაფარი, რათა ცხოველებმა თავი კომფორტულად იგრძნონ.



გარდა ამისა, აუცილებელია ცხოველების რეგულარულად მონიტორინგი და სათანადოდ მოვლა.