თითქმის ყველა ოჯახში მაცივარი მაგნიტური სუვენირებით არის სავსე, თუმცა ბოლო დროს სულ უფრო ხშირად საუბრობენ იმაზე, რამდენად უსაფრთხოა ეს მაცივრისთვის. მეცნიერებმა არაერთხელ შეისწავლეს ეს საკითხი და ასეთი დასკვნები გამოიტანეს:

მაგნიტების გავლენა დაკავშირებულია მაგნიტურ ველთან, რომელსაც ერთმანეთთან ახლო-ახლოს მიკრული მაგნიტები ქმნიან და ნეგატიურად ზემოქმედებენ მაცივრის მექანიზმზე და ასევე საკვებ პროდუქტებზე. თუმცა მეცნიერების თქმით, ასეთ გავლენას მაგნიტები ძირითადად შეიძლება ახდენდეს ძველ მაცივრებზე, რომლებსაც შედარებით თხელი საფარი აქვთ ან კიდევ უფრო ცუდი - გაკაწრულია. ასეთ შემთხვევაში მასზე არაფრით არ შეიძლება მაგნიტის მიკვრა.

მაგნიტებმა ასევე შეიძლება დააზიანოს ნებისმიერი მაცივრის საფარი, გაუჩინოს ნაკაწრები, რაც შემდეგ მის დაზიანებას დააჩქარებს და მაგნიტური ველოს ზემოქმედებასაც გააძლიერებს.

ასე რომ, ძალიანაც ნუ გაგიტაცებთ მაგნიტური სუვენირები - ზომიერი ყველაფერი კარგია. თუ არ მოგწონთ უბრალოდ თეთრი, ვერცხლისფერი ან სხვა ტრადიციული ფერის მაცივრები, ალტერნატივად გთავაზობთ დიზაინერების რჩევებს, როგორ შეიძლება გააფერადოთ და გაახალისოთ მაცივარი, მაგნიტების გამოყენების გარეშეც.