იმის შესახებ, რომ თაღები შესანიშნავად ყოფს ორი ოთახის სივრცეს და იმავდროულად გაცილებით უფრო ლამაზია, ვიდრე კარი. მართალია, თაღი სულ ახლახან დაბრუნდა მოდაში, მეფეებისა და კეთილშობილი რაინდების მმართველობის პერიოდში ის სასახლეების ინტერიერის განუყოფელი ნაწილი იყო. საერთოდ კი, თაღი, როგორც კონსტრუქციული ელემენტი, რომაელებმა გამოიგონეს ჯერ კიდევ ჩვენს ერამდე III საუკუნეში.
დროთა განმავლობაში ადამიანებმა ისწავლეს თაღების დეკორირება და მის ფართო შესაძლებლობებსაც გაეცნენ. დღეს ინტერიერის გასაფორმებლად არსებობს მრავალი ფორმის და სხვადასხვაგვარად მოპირკეთებული თაღები. მიუხედავად მრავალსაუკუნოვანი ისტორიისა, თაღები ნებისმიერ სახლს, ნებისმიერ სტილს უხდება.
ნებისმიერი მიჯნა თქვენს

პასიურ თაღებს მიეკუთვნება მარტივი, კონსტრუქციით ნაკლებად დატვირთული თაღი. ეს სწორედ ის თაღია, რომელსაც უფრო ხშირად ვხედავთ ხოლმე. აქტიური თაღი კი პირიქით, განსხვავებული, ხშირად არასტანდარტული, რთული ფორმისაა, რომელიც ხსნის ხედს სახლის რამდენიმე ოთახისკენ. რთულ, აქტიურ თაღებში თვით ფორმაც უკვე დეკორაციული ელემენტია, თუმცა, როგორც წესი, თაღის დეკორი პირდაპირ არის დამოკიდებული ინტერიერის საერთო იდეაზე.
აუცილებლად უნდა იცოდეთ, რომ თაღი კედლის განუყოფელი ნაწილია და მისი დეკორი, რაც უნდა დამოუკიდებელი იყოს, ყოველთვის შენობის საერთო განწყობის შემადგენელი ნაწილია. სწორედ ამიტომ, სხვადასხვაგვარი თაღობრივი კონსტრუქციები ყველაზე უფრო მომგებიანია დღეს პოპულარულ შეღებილ კედლებთან შეთანხმებაში. გარდა ამისა, თაღი იმდენად გამოხატული არქიტექტურული ელემენტია, რომ მხატვრული გაფორმება მკვეთრად აძლიერებს მის როლს თქვენი სახლის სტილისტიკაში.

უნდა გაითვალისწინოთ, რომ თაღობრივი კონსტრუქციების გამოყენება სახლის ინტერიერში ყველაზე მეტად გამართლებულია მაშინ, თუ ბინაში მაღალი ჭერია. თაღის ნიშა შეიძლება განთავსდეს კედელში ან ოთახებს შორის ჭრილში და სხვადასხვა ფორმის იყოს. ნაკლებსასურველია თაღის გაკეთება ე. წ. საყრდენ კედელზე, თუ სახლის აშენების დროს ეს არ იყო გათვალისწინებული. მსგავს ექსპერიმენტებს არ მოჰყვება ხოლმე კარგი შედეგები.
თაღის გასაკეთებელი მასალების არჩევანიც ფართოა და დამოკიდებულია ჭრილის ზომასა და თაღის კონსტრუქციის კონფიგურაციაზე, მდებარეობაზე და ა. შ. დღეს ძირითადად იყენებენ ბუნებრივ ქვასა და ხეს, აგურს, მეტალს, რკინაბეტონს. ბოლო დროს განსაკუთრებით პოპულარული გახდა თაბაშირმუყაო. ეს მასალა გაცილებით უფრო მოქნილია და ადვილი გასაკეთებელი. არც ფასია მაღალი.