ბუხრის მოპირკეთების სხვადასხვა ვარანტები არსებობს

გლეხური (თიხა, ცარცი)

ძველ დროში ბუხარს თიხით აპირკეთებდნენ და ბოლოს ცარცით ათეთრებდნენ ხოლმე.

დეკორატიული აგური

დღესდღეობით ბუხარს აგარაკზე დეკორატიული აგურით აპირკეთებენ.

კერამიკა

ტერაკოტა საკმაოდ დიდი ცეცხლგამძლეობით გამოირჩევა.

ფილები

საკმაოდ გავრცელებული ფორმაა ბუხრის მოპირკეთება ფილებით, რომელიც გამომწვარი თიხით არის დამზადებული.

არსებობს რუსული, ჰოლანდიური და ფლამანდრიული ფილები.

შეკვეთის დროს მხატვარი ეყრდნობა დამკვეთის მოთხოვნილებებს, სწორედ სტილი და დამკვეთი განაპირობებს მოტივს.



ფილების დამუშავება

პირველ რიგში მოტივის მიხედვით მზადდება ფილის რელიეფი, შემდეგ კი თაბაშირის ფორმა. მას ავსებენ თიხით, აშრობენ და გამოწვავენ სპეციალურ ღუმელში დაახლოებით 1000 გრადუს ტემპერატურაზე. ამის შემდეგ ფილა მუშავდება და იფარება მინანქრით ან დეკორატიული თიხით და გამოიწვება ხელახლა. შემდეგ ფილას უკეთდება დეკორატული ნახატი და გამოიწვება მესამედ ან საჭიროების შემთხვევაში მეოთხედაც კი.

ფილების უპირატესობა - უსაფრთხოება

ფილებით მოპირკეთების შემთხვევაში ფილების ზედაპირი არ ცხელდება და ხელის შეხების შემთხვევაში არ დაიწვებით. ასეთი ფილებით მოპირკეთებული ბუხარი ძალიან მოსახერხებელია იმ ოჯახებისთვის, სადაც პატარა ბავშვია.



ეკონომიურობა და გამძლეობა

ორძირიანი ფილა დიდხანს ინარჩუნებს სიმხურვალეს და ამიტომ ის ძალიან ეკონმიურია. არ მოითხოვს ბუხრის დამატებით დატვირთვას, რაც ხელს უწობს მის დიდხანს და კარგად მუშაობას.

სილამაზე

ფილებით ბუხრის მოპირკეთება არა მარტო ეფექტურია, არამედ ძალიან ლამაზიც. ასეთი ბუხარი ხშირ შემთხვევაში ხელოვნების ნიმუშს წააგავს.