სხვადასხვა წვრილმანი გავლენას ახდენს ჩვენს განწყობასა და მდგომარეობაზე და ეს წვრილმანები ყველასთვის განსხვავებულია.
ასტროლოგიას შეუძლია იწინასწარმეტყველოს, თუ რა გელოდებათ მთელი დღის ან წლის განმავლობაში, გირჩიოთ, რა ჯობია ჩაიცვათ ან რომელი ფერის ტუჩსაცხია თქვენთვის იდეალური. ასევე, რა ნივთებს უნდა მოერიდოთ ინტერიერში, რომ სახლი სავსე იყოს პოზიტივით და ბარაქით, თავიდან აიცილოთ ყოველდღიური პრობლემები.

ვერძი
იმპულსურები ხართ, ენერგიით და ოპტიმიზმით სავსე. დაამატეთ ინტერიერს ცოტა ავანტიურიზმი. ამისათვის უბრალოდ აურიეთ ერთმანეთში შეუთავსებელი ნივთები. მაგალითად, თანამედროვე აქსესუარები ანტიკურ ვეჯს.
არ გირჩევთ არაპრაქტიკული ნივთებს, მყიფე სუვენირებს. ამავდროულად, სახლში უნდა იყოს რაღაც, რაც მოგაგონებთ საყვარელ ადამიანებს: საჩუქრები ან ფოტოები. ეს დაგეხმარებათ გახდეთ უფრო დაბალანსებული.

კურო
თქვენ ხართ მომთმენი, გადამწყვეტი და ნაზი. არ მოგწონთ ცვლილებები. მოექეცით თქვენს ნივთებს გულწრფელი სიყვარულით. თქვენი გემოვნება უნაკლოა, შეგიძლიათ მარტივად გადააქციოთ თუნდაც პატარა ბინა მყუდრო და ამავდროულად ელეგანტურ სივრცედ.
შემთხვევითი იაფი ნივთები სათქვენო არ არის. ყველაფერი უნდა ექვემდებარებოდეს ერთიან სტილისტურ გადაწყვეტილებას. გირჩევთ ოთახში იქონიოთ მასიური ტყავის სკამი - წონასწორობისთვის.

ტყუპები
თქვენ ხართ მოუსვენარი, ჭკვიანი და კომუნიკაბელური. დააფასეთ თავისუფლება და თვითგამოხატვის შესაძლებლობა. წიგნების თაროები, პუფის სკამები და სპილენძის ნათურები კარგად ერწყმის თქვენს ინტერიერს. თქვენი არჩევანი ეკლექტიკურია, ხოლო სასურველი ფერები ყვითელი და ლურჯია.
მოერიდეთ შემთხვევით ნაყიდი ნივთებს. თითოეულ ნივთს უნდა ჰქონდეს თავისი ადგილი. თუ მაშინვე ვერ წარმოიდგენთ, სად შეგიძლიათ მოათავსოთ ესა თუ ის საყვარელი ნათურა თქვენს ბინაში, უმჯობესია დატოვოთ იგი მაღაზიაში. წინააღმდეგ შემთხვევაში, სახლი სწრაფად გადაიქცევა ერთგვარ ლომბარდად, სულელური, შემთხვევითი ნაყიდი ნივთების საწყობად.

კიბო
სახლი არის თქვენი გული. თქვენს სახლში ყველაზე მნიშვნელოვანი ადგილი სამზარეულოა, ანუ ადგილი, სადაც ოჯახი და სტუმრები იკრიბებიან. იქონიეთ ის სუფთად და მოწესრიგებულად, რათა თქვენს სახლში ბედნიერება მოიტანოთ. კარგია ზღვის აქსესუარები. ვერცხლის ნივთები აუცილებელია.
არ გირჩევთ სამზარეულოში ტელევიზორს. მშვიდი მუსიკა არის ის, რაც გჭირდებათ. არანაირი ხმამაღალი ხმები. კიდევ ერთი ტაბუ არის ავეჯი მოელვარე ფერებში. შეარჩიეთ ფერები, რომლებიც ბუნებრივთან ახლოსაა.


ლომი
ექსტრავაგანტური ხართ, თქვენს სიკაშკაშეს და ძალას დიდი დემონსტრირება არ სჭირდება. მაგრამ ისინი შეიძლება აისახოს ინტერიერში. სამეფო ნიმუშები, თვალისმომჭრელი ფერები, თამამი კომბინაციები - არაფრის გეშინიათ. თქვენ იქნებით მთავარი ექსპონატი მთელი ამ ბრწყინვალების შუაგულში.
ნათელი კედლები სათქვენო არ არის. ექსტრავაგანტური გარემო მოკრძალებული ფონით. თეთრი, ოდნავ ნაცრისფერი, მოლურჯო ან კრემისფერი კედლები არის ის, რაც გჭირდებათ.

ქალწული
ეს არის პრაქტიკული, მიწიერი, უკიდურესად შრომისმოყვარე და პერფექციონიზმისკენ მიდრეკილი ნიშანი. თქვენს სახლში ყველაფერი უნდა იყოს ლამაზიც და ფუნქციურიც. გარემოში ასახული ნებისმიერი ჰობი გამოდგება.
პრეტენზიული ნივთები სათქვენო არ არის, თქვენი არჩევანია - სილამაზე სიმარტივეში. სპილენძის რბილი ბზინვარება, ხის კეთილშობილური ციმციმი, მკაფიო ხაზები, ბუნებრივი მასალები და ფერები - აი რაზე უნდა გაამახვილოთ ყურადღება.

სასწორები
დიპლომატიური, ელეგანტური და არტისტული ხართ. აფასებთ სილამაზეს, ხელოვნებას და ჰარმონიას, შეგიძლიათ მოხიბლოთ აბსოლუტურად ნებისმიერი ადამიანი. როგორც ჩანს, გაქვთ თანდაყოლილი ცოდნა ინტერიერში ჰარმონიის შენარჩუნების მნიშვნელობის შესახებ. თქვენი სახლი იდეალურად აერთიანებს ნატურალური ქვისგან დამზადებულ ნივთებს და სამოგზაურო სუვენირებს. იაპონური ან ჩინური სტილის ნივთები დეკორს სიღრმეს და დახვეწილობას შესძენს. სახლში უნდა იყოს ადგილი, რომელიც მხოლოდ თქვენთვისაა.
მაღალტექნოლოგიური ნივთები სათქვენო არ არის. ძალიან ტექნოლოგიური სტილი ჩაახშობს შემოქმედებითობას.

მორიელი
თქვენ ხართ მგზნებარე და დაუმორჩილებელი ბუნების ადამიანი, გამომგონებელი. ვარსკვლავები გირჩევენ, ასახოთ თანდაყოლილი დრამა გარემოში. ნათელი ფერები, თამამი ნიმუშები, ჟოლოსფერი და შინდისფერი აქცენტები, ეგზოტიკური ხალიჩები და მოციმციმე ლითონები. ყურადღება მიაქციეთ ფონს - ის უნდა იყოს მშვიდი და ძლიერი. უმჯობესია კედლები თეთრი ან სხვა ნეიტრალური ღია ფერი დატოვოთ.
ჭაღი ის ნივთია, რაც თქვენ არ გჭირდებათ. სინათლის ერთი წყარო არ არის თქვენთვის. უნდა გქონდეთ რამდენიმე ნათურა: პროჟექტორები ჭერში, იატაკის ნათურა, მაგიდის ნათურა. ისინი უზრუნველყოფენ რბილ დიფუზურ შუქს და საშუალებას მოგცემთ შეცვალოთ ატმოსფერო რომანტიკულიდან საქმიანზე.


მშვილდოსანი
ენერგიული, დიდსულოვანი და ამბიციური ხართ. ყოველთვის გაქვთ მიზანი და ძალიან აფასებთ თავისუფლებას. თქვენს სახლში უნდა იყოს ბევრი ჰაერი და სინათლე. არასოდეს დაამშვენებთ რაიმეს მხოლოდ სილამაზის გამო. თქვენთვის მნიშვნელოვანია, რომ ყველაფერი პრაქტიკული იყოს. ვარსკვლავები გირჩევენ იფიქროთ ორივეს კომბინაციაზე, რადგან ნებისმიერი უტილიტარული რამ შეიძლება იყოს ლამაზი.
ქაოსი თქვენი არ არის. ეს არის ის, რაც არ მოგცემთ საშუალებას დაისვენოთ სახლში. ყველა ნივთს უნდა ჰქონდეს თავისი ადგილი და თაროებზე მტვერი არ უნდა იყოს.

თხის რქა
თავშეკავებული ხართ, მაგრამ ამბიციური, ცდილობთ მიაღწიოთ მწვერვალს დედამიწაზე. მიწიერ ელემენტთან მიახლოებული ნივთები დაგეხმარებათ ამის მიღწევაში: ხე, ბამბუკი, ლითონი, ბუნებრივი ქსოვილები, მუქი მწვანე და ყავისფერი ფერები. ასევე მისასალმებელია ხელნაკეთი ნივთები. იდეალურ შემთხვევაში თქვნი ფანჯრები გადაჰყურებს ტყეს.
ვინტაჟი და რეტრო თქვენი სტილი არ არის. მოდით, მაღაზიაში დარჩეს გასული საუკუნის 50-იანი წლების სტილის ნივთები. თუ გაქვთ სახლში ასეთი სტილის ნივთები, დაშორდით მათ.


მერწყული
თქვენ ხართ ორიგინალური, მოაზროვნე, ადამიანი. ყველაფერს აკეთებთ თქვენი აზრით, არ გაინტერესებთ, რას ფიქრობენ ამაზე სხვები. ეს ინდივიდუალურობა უნდა გახდეს თქვენი ინტერიერის ცენტრალური იდეა. თქვენს სახლში ყოველთვის უნდა იყოს ბევრი ჰაერი და სინათლე. მაგრამ არ დაივიწყოთ თბილი აქცენტები: ფუქსია, ნარინჯისფერი ან უბრალოდ კაშკაშა ყვითელი შესანიშნავია. რბილი, მყუდრო ტექსტილის მსგავსად.
თქვენი ბინა ყოველთვის სუფთა უნდა იყოს. თუ კონდიციონერი არ გაქვთ, დაფიქრდით - იქნებ კარგი იდეაა მისი ყიდვა? ან სულაც არ დაგავიწყდეთ ოთახის სათანადო ვენტილაცია.

თევზები
კარგად გაქვთ განვითარებული ინტუიცია, შემოქმედებითი ადამიანი და გამოუსწორებელი რომანტიკოსი ხართ. სახლი თქვენი თავშესაფარია, სადაც შეგიძლიათ იყოთ ის, რაც ხართ. თევზებისთვის იდეალური სტილია ბოჰო. ისტორიული ნივთები, შორეული ქვეყნებიდან ჩამოტანილი, არის ის, რაც გჭირდებათ. ვარსკვლავები გვირჩევენ, ყურადღება მიაქციოთ ვინტაჟს, რეტროს, შეგიძლიათ იყოთ პატარა ჰიპიც კი, როდესაც საქმე ეხება თქვენი სახლის ავეჯს. მაგრამ საკუთარი ხელით ბოჰოს შექმნისას არ დაივიწყოთ უსაფრთხოება.
მოერიდეთ გეომეტრიული მოტივებს, მკვეთრ კუთხეებს, მკაცრ ფორმებს. რაც უფრო უცნაურია ხაზები, მით უკეთესი. ფანჯრებზე ჟალუზები თქვენი არ არის. უკეთესია ფარდები. მართკუთხედები, კუბები და სხვა მოწყენილობები ქალწულებს დაუტოვეთ.