ეს ლამაზი და მოვლილი ბაღი გარდაბნის რაიონში მდებარეობს და სოციალურ ქსელში არაერთი ადმაიანის გაოცება მოახერხა. ამისთვის ძალას არ იშურებს ქალბატონი ინგა მერაბიშვილი, რომელმაც ბაღი ნამდვილ წალკოტად აქცია. ეზოში არაერთი ულამაზესი ყვავილი ხარობს. ამ ყველაფერზე დაწვრილებით ქალბატონი ინგა თავად მოგვიყვება.

- ვცხოვრობ გარდაბნის რაიონში, სოფელ თელეთში. ვარ დიასახლისი. მყავს მეუღლე, შვილები და შვილიშვილები. უზომოდ მიყვარს ჩემი ბაღი და ყოველთვის სიამოვნებით ვუვლი.

 ჩემი გაშენებულია. მე თვითონ ვარჩევ მცენარეებს, დასარგავ ადგილს, ვრგავ...

- ბაღის გაშენება უფრო რთულია, თუ შემდეგ მისი მოვლა?
- ლამაზი ბაღის გაშენება რთულია. გარდა ფიზიკური მუშაობისა, სჭირდება ფინანსები, დრო. თუმცა არც მოვლაა მარტივი. მიუხედავად იმისა, რომ მრავალრიცხოვანი, დიდი ოჯახი მყავს, მაინც ვახერხებ ბაღის მოვლას. ძალიან მიყვარს ყვავილები და სილამაზე.

ბევრ შრომას და დროს მოითხოვს ბაღის გაშენება, მოვლა. თუ გვინდა, რომ ჩვენთვის სასურველად გამოიყურებოდეს, ყოველდღიურად უნდა მოვუაროთ, მოვრწყათ, გავასუფთაოთ და ა.შ. თითოეულ მცენარეს უნდა მოვლა ისე, როგორც ოჯახის წევრს.

- რამდენი სახეობის მცენარე ხარობს თქვენს ბაღში?
- ჩემს ბაღში არის 50 სახეობის ვარდი, ასევე მარადმწვანე ნაძვები და კიდევ ბევრი ლამაზი მოყვავილე მცენარე.






მერი ბლიაძე