ძალიან ხშირად ხდება ისე, რომ აბაზანა არ არის იმ ზომის, რომ მასში კარადები გაკეთდეს. არადა, ნებისმიერ ოჯახს სჭირდება სათავსო აბაზანში, როგორ მოვიქცეთ, რა შეიძლება, რომ გავაკეთოთ?
შემოგთავაზებთ რამდენიმე საინტერესო ვარიანტს, არჩევანი კი თქვენთვის მოგვინდია.

1. საკიდები და რეილინგები

თუ აბაზანაში კუთხის თაროები არ გხიბლავთ, შეგვიძლია შემოგთავაზოთ ალტერნატიული ვარიანტი - რეილინგი და საკიდები. საკიდებზე თავისუფლად შეგიძლით დაკიდოთ დასაბანი ღრუბელი და ბავშვის სათამაშოები. მხოლოდ საკიდების გამოყენებაც შესაძლებელია, თუმცა რეილინგი ამ მხრივ ბევრად საიმედო და კომფორტულია.

2. კალათა წვრილმანებისთვის

როგორც უკვე აღვნიშნეთ, ნებისმიერ სამზარეულოში არის ისეთი წვრილმანი ნივთები, რომელთაც თუ ადგილი არ მიუჩინე, ვიზუალურ ქაოსს იწვევს.
ჩვენი მორიგი რჩევა იქნება, ამ ქაოსის თავიდან ასაცილებლად გამოიყენოთ კალათა წვრილმანებისთვის.

3. სარკიანი კარადა

თუ აბაზანა დიდი ზომის არის, რა თქმა უნდა, შეგიძლიათ შეურჩიოთ შესაბამისი ზომის სარკე და განათავსოთ კედლეზე, ხოლო თუ სივრცე შეზღუდულია, ძალიან პრაქტიკული იქნება სარკიანი კარადის ყიდვა. როდესაც კარადის საყიდლად წაბრძანდებით, გირჩევთ შეარჩიოთ ისეთი ვარიანტი, რომელსაც სარკე ექნება არა მხოლოდ გარედან, არამედ შიგნიდანაც. რატომ? საქმე ძალიან მარტივად არის. ჯერ ერთი, რომ ასე ადვილად იპოვით კარადის სიღრმეში მიმალულ წვრილმანებს, შეხედავთ საკუთარ თავს როგორც შიგნიდან, ისე გვერდიდან.

4. ერთი კარის ორი ფუნქცია

კარის ზედაპირის იგნორირება მაშინ, როდესც შესანახი სისტემის დეფიციტი გაქვთ, ძალიან დიდი შეცდომაა. გთავაზობთ აღნიშნული ადგილის მაქსიმალურად ათვისებას ვერტიკალური ორგანაიზერის დახმარებით.

5. სივრცე მაგიდაში

პატარა აბაზანის მქონე დიასახლისებს ვურჩევთ, ხელსაბანი ნიჟარა შეიძინონ არა ფეხიანი, არამედ ტუმბოიანი, რადგან ასე ტუმბოშო ბევრი სათავსოს გაკეთება შეეძლებათ.

6. ადგილი უნიტაზის ზემოთ და აბაზანის ქვეშ

ადგილი უნიტაზის ზემოთ ძალიან კარგი საშუალებაა ვერტიკალური თაროების განსათავსებლად, ასევე ძალიან ბევრი რამის შენახვას მოახერხებთ აბაზანის ქვედა სივრცეში.

7. გორგოლაჭებიანი თარო

მსგავსი ტიპის თაროები ძირითადად ლითონის ან პლასტმასისგან არის დამზადებული. გორგოლაჭები იძლევა მისი ადვილად გადაადგილების საშუალებას. ეს ძალიან კარგი გადწყვეტილებაა სააბაზანოსთვის, სადაც არ არის სრულყოფილი კარადის განთავსების შესაძლებლობა.