როგორც წესი, ქვეყნის ტერიტორიის მცირე ზომა ყოველთვის არ განსაზღვრავს ტურისტული ნაკადის მოცულობას. უმეტეს შემთხვევაში, ჯუჯა-სახელმწიფოებს ბევრი რამ აქვთ, რასაც ტურისტებს შესთავაზებენ.

გთავაზობთ პატარა ზომის ქვეყნებს, რომლებიც ტურისტულად მოთხოვნადი და საკმაოდ პოპულარული მიმართულებებია:

ვატიკანი

ვატიკანი, რომის პაპის კონტროლის ქვეშ მყოფი „სუვერენული ქალაქ-სახელმწიფოს“ სტატუსით სარგებლობს და ფართობით მსოფლიოში ის ყველაზე პატარა ქვეყანაა (მხოლოდ 0,44 კვ.კმ). მდებარეობს რომში.

ოფიციალურად, ვატიკანში სულ 800-ზე ცოტა მეტი ადამიანი ცხოვრობს, რაც ფართობთან ერთად წარმოადგენს ქვეყანას, სადაც ყველაზე ცოტა ადამიანი ცხოვრობს.

ვატიკანის ნახევარი ბაღებს უკავია, ასე რომ, თქვენ შეგიძლიათ უბრალოდ გაისეირნოთ, გადაიღოთ სურათები შვეიცარიის დაცვის წარმომადგენელთან და აღფრთოვანდეთ წმინდა პეტრეს ბაზილიკით.

მონაკო

კიდევ ერთი ქალაქი-სახელმწიფო ევროპაში: მისი ფართობი დაახლოებით 2 კვადრატული კილომეტრია, ტურისტული ნაკადი კი წელიწადში ვატიკანს არაფრით ჩამოუვარდება. მონტე კარლოს სანაპიროზე ყოველთვის არის სუპერ ძვირად ღირებული იახტები, ხოლო ადგილობრივი სამორინეები არაერთხელ გამხდარა ფილმების გადასაღები მოედანი.

თუ არ გიყვართ აზარტული თამაშები, მაშინ შეგიძლიათ ესტუმროთ ივ კუსტოს მუზეუმს, რომლის მიწისქვეშა ნაწილში არის ოკეანარიუმი, სადაც წყალქვეშა სამყაროს 4 000-მდე წარმომადგენელი ბინადრობს.

მარშალის კუნძულები

ოკეანეში მარშალის კუნძულების შტატი დაახლოებით 1 000 ცალკეული კუნძულისგან შედგება. მიუხედავად ამ შთამბეჭდავი რაოდენობისა, არქიპელაგის რეალური ფართობი მხოლოდ 181 კვადრატული კილომეტრია. სხვათაშორის, კუნძულები შესაძლოა საბოლოოდ გაქრეს ზღვის დონის აწევის გამო.

საუკეთესო სანაპიროებია არნოსა და მაჯუროს ატოლებზე. არქიპელაგს ყოველწლიურად დაახლოებით 5 ათასი ტურისტი სტუმრობს.

კუკის კუნძულები

სამხრეთ წყნარ ოკეანეში არის 15 კუნძული, რომლებიც ერთად ქმნიან კუკის კუნძულების შტატს, საერთო ფართობით 236 კვადრატული კილომეტრი.

სწორედ აქ შეგხვდებათ მსოფლიოში საუკეთესო პლაჟები. ადგილობრივ მთავარ ღირსშესანიშნაობას წარმოადგენს კლდე Te Rua Manga, რომლის სიმაღლეც 413 მეტრს წარმოადგენს.
განაგრძეთ კითხვა