არ იცით, რა გააკეთოთ აგარაკზე სახლის მიმდებარე დიდ ტერიტორიაზე? შევეცდებით მოგცეთ ისეთი რჩევები, რომელიც მის გალამაზებასა და მოწყობაში დაგხმარებათ.

რამდენიმე დონე



რამდენიმე რელიეფი ახლა ძალიან მოდაშია არა მხოლოდ ბაღში, არამედ ინტერიერის დიზაინშიც. შეგიძლიათ ერთი და იგივე ხეები და მცენარეები რამდენიმე დონის გასაფორმებლად გამოიყენოთ. ასე სივრცე ბევრად დიდი, კომფორტული და ლამაზი გამოჩნდება. ამ შემთხვევაში დიდი ზომის და მოყვავილე მცენარეები უფრო გამოგადგებათ, ცარიელი ადგილების შესავსებად კი შეგიძლიათ გამოიყენოთ საფეხურები.

მცენარეების საყრდენი



ამ დეტალის მეშვეობით არა მხოლოდ საყრდენით უზრუნველყოფთ თქვენს მცენარეებს, არამედ ოპტიკურად გაზრდით თქვენი ბაღის ვიზუალს. საყრდენად შეგიძლიათ გამოიყენოთ ტიხრები, ღერძები, ღობეები და ა.შ.

კლუმბები



პატარ-პატარ კლუმბებით, ყვავილების კუნძულებით განუმეორებელ ხიბლს მიანიჭებთ თქვენს არემარეს.

ხის ფანჩატური


ფანჩატური ყველა ბაღს სჭირდება. გარდა იმისა, რომ ის უბრალოდ საჭიროა ზაფხულის ცხელი საღამოების სასიამოვნოდ გასატარებლად, ის მცენარეების საყრდენადაც გამოგადგებათ და ეს ის შემთხვევაა, როდესაც ორ კურდღელს ერთად დაიჭერთ.

შადრევანი



სულ პატარა სივრცეშიც კი შესაძლებელია შადრევნის გაკეთება, სახლის მახლობლად კი ის უბრალოდ პოზიტიური განწყობის გარანტი იქნება.

ღობე



ზონების, სივრცეების ერთმანეთისგან გამოყოფა აუცილებელია. ეს ტერიტორიას უფრო მოწესრიგებულს და ორგანიზებულს ხდის, საამისოდ გამოადგებათ ღობეები, ტიხრები, იქნება ეს ქვის, ფიცრის, ხის, აგურის თუ სხვა სახის.

დეკორი


იფიქრეთ ბაღის დეკორატიულ განათებაზეც, საღამოობით ასეთი ბაღი ძალიან ლამაზად გამოიყურება.