იმ ქონების მფლობელმა, რომელსაც მომღერალი 10 წელზე მეტი ხნის წინ ქირაობდა, განაცხადა, რომ ვარსკვლავის საჯარო კომენტარების გამო სახლს ვერ ყიდის.

2012 წელს ადელი ექვსი თვის განმავლობაში ცხოვრობდა 10-ოთახიან სახლში დასავლეთ სასექსში. თუმცა, მსახიობმა იჯარის განახლებაზე უარი განაცხადა და არც ის დაუმალავს, რომ ამის მიზეზი მოჩვენებები იყო. პოპ-სცენის დედოფალმა ერთ-ერთ თოქ-შოუში ხმამაღლა გააჟღერა, რომ სახლში გაჩერება აშინებდა და ოჯახურ სიმყუდროვეს ურღვევდა. მსახიობის განცხადებამ აუდიტორია გაამხიარულა, მაგრამ სახლის მეპატრონე ადელის განცხადებამ გაანაწყენა, მან მომღერალი იმაში დაადანაშაულა, რომ მას შემდეგ მყიდველებს ეშინიათ ამ სახლის.

გამქირავებელმა აღიარა, რომ ადელის შენიშვნებმა "ნეგატიური გავლენა იქონია მომავალ მარკეტინგზე" და პოტენციურმა მყიდველებმა შესყიდვაზე უარი თქვეს. სახლის მეპატრონე ახლა ცდილობს აიღოს ნებართვა და დიდი სახლი სამ პატარა სახლად გადააკეთოს, რადგან ამ დიდი სახლის არათუ გაყიდვა, გაქირავებაც კი შეუძლებელი გახდა.

ქონება ბაზარზე ათი წლის განმავლობაში იყო გატანილი, მაგრამ მისით არავინ დაინტერესებულა.
ედუარდის სასახლე (მე-20 საუკუნის დასაწყისი) რამდენიმე ჰექტარზეა გაშენებული. სახლი გარშემორტყმულია ბაღებით, ასევე აქვს დახურული და ღია აუზები, ჩოგბურთის კორტი და ვერტმფრენის მოედანი.

2012 წელს გრემის ჯილდოს მფლობელმა ადელმა, რომელიც ახლა 36 წლისაა, სახლი ექვსი თვით იქირავა, მაგრამ იჯარა არ განუახლებია. მომღერალი იქ თავის მაშინდელ ბოიფრენდთან, საიმონ კონეცკისთან ერთად ცხოვრობდა, რომელზეც მოგვიანებით იქორწინა, მაგრამ წყვილი 2021 წელს დაშორდა. ამის შემდეგ მომღერალი ამ სახლში დაცვასთან ერთად ცხოვრობდა,
რადგან მოჩვენებების ეშინოდა.