კერამიკული ფილები ყველაზე გავრცელებული მოსაპირკეთებელი მასალაა. მას დიდი წარმატებით იყენებენ ასევე კიბის საფეხურების მოსაპირკეთებლად ძირითადად აგარაკებზე ან კერძო სახლებში. ის ძალიან პრაქტიკული და ლამაზია, თუმცა, დროთა განმავლობაში, შესაძლოა ფილა აძვრეს და კიბე დაზიანდეს. რატომ ხდება ასე და როგორ შეიძლება პრობლემის მოგვარება?

პირველი, რაც ამ დროს მოსდის თავში ადამიანს, არის ის, რომ უხარისხო მასალა იყო თავის დროზე გამოყენებული, თუმცა მსგავსი პრობლემა ხარისხიანი მასალის გამოყენების დროსაც იჩენს ხოლმე თავს. მიზეზი ტექნოლოგიის დარღვევაა, რის შედეგადაც ფილის ქვეშ აღწევს წყალი. ეს საშიშროებას განსაკუთრებით ზამთარში ქმნის, როდესაც წყალი იყინება, გაყინვის შემდეგ წყლის და სამშენებლო მასალების გაფართოება იწვევს ფილის გასკდომას და ავარდნას.

თავად კერამიკული ფილები წყალგაუმტარი მასალაა, თუმცა ნაპრალები წყალს აპარებს. გარდა ამისა, წყალი შესაძლოა შევიდეს ქვემოდან, განსაკუთრებით იმ შემთხვევაში, თუ ადგილი ნესტიანია, მაშინ წყლის შესვლა ნადაგიდანაც ხდება.
როგორ უნდა მოვიქცეთ, მსგავსი პრობლემა რომ არ შეგვექმნას?

პირველ რიგში ხელოსანმა უნდა გამოიყენოს სპეციალური წებოები, თუმცა ყველაზე ეფექტური ჰიდროიზოლაციის გამოყენებაა. ჰიდროიზოლაციის ყველაზე მარტივი ვარიანტი რუბეროიდია. რატომღაც კიბის მოპირკეთების დროს ხელოსნებს მისი გამოყენება ავიწყდებათ ხოლმე.