სახლის რემონტი ყოველთვის დიდი ფიზიკურ თუ მორალურ რესურსებს მოითხოვს, რომ აღარაფერი ვთქვათ მატერიალურ დანახარჯებზე. ამიტომ იდეალური ვარიანტი იქნება, თუ რემონტი ისეთი გამოვა, რომელიც აქტუალობას არ დაკარგავს უახლოესი 10-15 წელი მაინც. ალბათ ბევრ ადამიანს აინტერესებს, რა უნდა გააკეთოს საამისოდ. შევეცდებით მოგცეთ რამდენიმე პრაქტიკული და საინტერესო რჩევა, რომლებიც რეალურად დაგეხმარებათ.

შეარჩიეთ საღებავი, რომელიც ირეცხება


ბოლო დროს კედლების მოსაპირკეთებლად სულ უფრო ხშირად იყენებენ საღებავს და არა შპალერს. თუ თქვენც საღებავს ანიჭებთ უპირატესობას, ეცადეთ შეარჩიოთ ისეთი საღებავი, რომელიც ირეცხება. ასეთი საღებავის მთავარი პლუსი არის ის, რომ გაჭუჭყიანების შემთხვევაში ადვილად არის შესაძლებელი მისი სველი ტილოთი გაწმენდა.

შეარჩიეთ გამძლე ავეჯი


როდესაც საუბარია რემონტზე, რომელმაც უნდა გაუძლოს დროს, საუბარია არა მხოლოდ კედლების მოპირკეთებაზე არამედ ავეჯზეც. ეცადეთ შეარჩიოთ ისეთი მდგრადი მასალა, რომელიც წლებს გაუძლებს, ეს ძირითადად არის ხე, რომელიც წლების შემდეგ, თუ მოგბეზრდებათ ან დაზიანდება, ექვემდებარება აღდგენას, გადაღებვას და ა.შ.

კერამოგრანიტის ფილები


ერთ-ერთი ყველაზე გამძლე და პრაქტიკული საფარი კერამოგრანიტია. როგორც წესი, ასეთი ფილები სველი წერტილისთვის და სამზარეულოსთვის გამოიყენება ხოლმე, თუმცა, გვინდა გირჩიოთ, რომ თავისუფლად შეგიძლიათ ამ მასალის გამოყენება სხვა ოთახებისთვისაც, ნამდვილად არ ინანებთ.

ხარისხიანი რბილი ავეჯი


ინტერიერის ერთ-ერთი მნიშვნელოვანი ელემენტი რბილი ავეჯია. ეს ის ნივთია, რომელზე ეკონომიის გაკეთება ნამდვილად არ ღირს. ეცადეთ თქვენს დივანს ჰქონდეს ისეთი შალითა, რომელიც დაექვემდებარება მარტივად რეცხვასა და წმენდას.

კვარცვინილი


თუ იატაკის საფარად კერამოგრანიტი არ მოგწონთ და უფრო თბილი ფაქტურა გირჩევნიათ მაშინ გირჩევთ უპირატესობა კვარცვინილს მიანიჭოთ, ამ მასალას ბევრი დადებითი მხარე გააჩნია და მთავარი არის ის, რომ არის ადვილად დასაგები, მარტივად მოსავლელი და ასევე ვიზუალურად ეფექტურია.