ჭურჭლის სარეცხი ღრუბელი ნებისმიერი დიასახლისის შეუცვლელი ატრიბუტია, თუმცა ამავდროულად ერთ-ერთი ყველაზე ჭუჭყიანი ნივთი სამზარეულოში. ქალბატონებს ხშირად აინტერესებთ ხოლმე, როგორ უნდა გამოიყენონ ჭურჭლის სარეცხი ღრუბელი ისე, რომ ყოველთვის ახლოს ჰქონდეთ და თან შეძლებსდაგვარად იყოს მშრალი და მუდმივი სისველის გამო არ იქცეს ბაქტერიების ბუდედ.


ერთ-ერთ ასეთ გამოსავლად შეგვიძლია მივიჩნიოთ სამზარეულოს კარადაში გაკეთებული სამზარეულოს ორგანაიზერი, რომელიც ყველა დიასახლისს ნამდვილად არ აქვს.
აბა, როგორ მოვიქცეთ? ამ ხრიკს თურმე ბევრი დიასახლისი იყენებს. პირველ რიგში დაგვჭირდება ჭურჭლის სარეცხი ახალი ღრუბელი და მაკრატელი.

გაჭერით ღრუბელი ნაპირიდან ცენტრის მიმართულებით, ცენტრში კი გულ პატარაზე ამოაჭერით.
გაითვალისწინეთ, რომ პატარა ზომის ღრუბელი არცთუ მოსახერხებელი იქნება აღნიშნული ჰაკის გასაკეთებლად.

დაახლოებით ასეთი უნდა გამოგივიდეთ.

ამის შემდეგ ღრუბელი თავისუფლად შეგიძლიათ მოათავსოთ მისთვის განკუთვნილ ახალ ადგილას, სადაც მაქსიმალურად მოახერხებს გაშრობას. მშრალი ღრუბელი კი იმას ნიშნავს, რომ მასში ნაკლები ბაქტერიაა. ასე შეიძლება ლურსმანზეც დაკიდოთ და ონკანზეც.