დიდხანს უნდა უყუროთ, რომ მიხვდეთ, ეს ყველაფერი ხელით არის შექმნილი, მოქარგულ-მოქსოვილი. 

მარტინა სელერინი ცნობილი მხატვარია. მისი ქსოვილებით შექმნილი ტილოები მსოფლიოშია განთქმული. 

პრაღაშია დაბადებული და გაზრდილი. შემდეგ კანადაში გადავიდა საცხოვრებლად, იქვე დაამთავრა ონტარიოს უნივერსიტეტი, როგორც გენეტიკოსმა, სადოქტორო ხარისხიც მიიღო და მეცნიერებით იყო დაკავებული. თუმცა 2002 წელს მოულოდნელად შეეშვა მეცნიერებას და ხელოვნებაში გადაიბარგა. 

თავდაპირველად აკრილით და ზეთის საღებავებით ხატავდა. მერე კი გობელენზე გადაინაცვლა და ნამდვილ 3დე გობელენებს ქმნის, რომლებიც უდიდეს შთაბეჭდილებას ახდენენ მნახველზე.