ბოლო დროს, კორტნი კოქსი დიდ დროს ატარებს სამზარეულოში, შეფ-მზარეულებს რეცეპტებს უზიარებს. დიზაინერებმა შეაფასეს ოთახის ინტერიერი. მათ ძალიან მოსწონთ ჭერამდე კარადები, გლუვი ზედაპირები და ყავისფერი სამუშაო ზედაპირი. მაგრამ ყველაზე მეტი ყურადღება ავეჯმა მიიპყრო.

საქმე ის არის, რომ კორტნიმ უარი განაცხადა კარადების შეღებვაზე და უპირატესობა ბუნებრივ ვიზუალზე გააკეთა. ამ გადაწყვეტილებამ გაამართლა, მისი სამზარეულო ნამდვილი ჰიტად იქცა, რადგან ინტერიერის დიზაინში აქცენტი ისევ ბუნებრივ მასალაზე კეთდება.

ექსპერტები სულ უფრო ხშირად გვირჩევენ სახლის გაფორმებას ბუნებრივი ფერებითა და მასალებით. ბუნებრივი ხის ერთ-ერთი მთავარი უპირატესობა ის არის, რომ ეს მასალა სუნთქავს. მისი ბუნებრივი ფერი ათბობს სივრცეს, თუმცა ხის იატაკის საფრად გამოყენებას დიზაინერები არ გირჩევენ, რადგან მასზე ცხიმის ან ფერადი ლაქების მოხვედრის დიდი ალბათობაა. ბუნებრივი ხე საუკეთესო გადაწყვეტილებაა სამზარეულოს კარადებისთვის. თუმცა არ არის ასევე რეკომენდებული ხის სამუშაო ზედაპირის დამზადებაც, იმავე მიზეზით, რაც იატაკის შემთხვევაში იყო.

ვისაც კორტნი კოქსის სამზარეულოს ინტერიერის გამეორება სურს, შესაძლოა დილემის წინაშე აღმოჩნდეს, თუ რომელი ხე აირჩიოს სამზარეულოსთვის. ამ შემთხვევაში დიზაინერები გირჩევენ დაიწყოთ იმით, თუ რა შედეგის მიღწევა გსურთ. უხეში ტექსტურა კარგად ერგება მოდურ უჟანგავ ფოლადს. ხის სამზარეულო ასევე კარგად ერგება მარტივ და მკაცრ ინტერიერს. თუ სკანდინავიური სტილი მოგწონთ მაშინ ექსპერტები გირჩევენ ყურადღება მიაქციოთ ხის ეფექტის მქონე
კერამოგრანიტს.