მაშინაც კი, თუ მაღაზიაში ახალ, გაუხსნელ ნივთს შეიძენთ, რომელიც არავის მოუსინჯავს, გარეცხეთ, ვიდრე ჩაცმას გადაწყვეტთ.

აი, რატომ:

ახალი ნივთების დამუშავების ციკლი

ცოტა თუ ფიქრობს იმაზე, თუ რა ახლავს ქსოვილს, რომლისგანაც ჩვენი სამოსია შეკერილი. ის ხომ მაღაზიაში მოხვედრამდე დამუშავების რამდენიმე ციკლს გადის.

ციკლი პირველი - გათეთრება
თავდაპირველად ყველა ნატურალური ქსოვილი ჭუჭყიანი-ყავისფერია. მას ამუშავებენ ქლორში, წყალბადის პეროქსიდში, მჟავებში ან სხვა მათეთრებელ ნივთიერებაში, რათა ბუნებრივი ფერი დაკარგოს. შემდეგ აშრობენ. ქსოვილზე კი ნაზავის ნაწილაკები რჩება.
თუ მგრძნობიარე კანი გაქვთ და ამ ქსოვილისგან ახლად შეკერილ სამოსს მოირგებთ, კანი გაღიზიანდება. შესაძლოა მძიმე დერმატიტამდეც მიხვიდეთ.

ციკლი მეორე - შეღებილი ქსოვილი და მასზე დატანილი ფერადი ნახატები
პროცედურა იგივეა. სველი საღებავით იღებება ქსოვილი, რის შემდეგაც მას აშრობენ. რაც უფრო ფაქტურული და მსხვილია ქსოვილი, მეტია მასზე დარჩენილი საღებავის მიკრონაწილაკები.

ციკლი მესამე - გაყიდვის წინა სამზადისი
მზა სამოსი, ყველაზე ნატურალურიც კი, მტვრისგან რომ არ დაიფაროს და არ გაფუჭდეს, მაღაზიაში მიტანამდე ხვდება ჩინურ კონტეინერში, სადაც სპეციალური ქიმიური ნივთიერებებით ამუშავებენ.

ვიდრე მზა სამოსი თქვენს ხელში აღმოჩნდება, ქსოვილს ერთხელაც არავინ რეცხავს. ის მხოლოდ სხვადასხვა ნივთიერებებითაა გაჟღენთილი, რასაც თქვენი კანისთვის არავითარი სარგებელი არ აქვს.

ამიტომ, როგორც არ უნდა გინდოდეთ შეძენისთანავე ახალი კაბის მორგება, უმჯობესია თავდაპირველად გარეცხოთ.